कुलूसी 1:12 - Korwa Bible

¹² दो अपांग भगवान मरसलराः राइजरे, आँयगरिकुःआ सुद होड़कू लगा इदा, हना इताडराः बंटापे पवाः लगाय सुनावकेडपेःआ। हनालगा हाँयपे जागगोड ञवन।

कुलूसी 1:12 Referans Kwoze

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

इपीसी 3:6

ओकोत कता ननानाः हवे, ईसू मसीराः नपाय सरवनते अपे बेगर एहूदाकू, एहूदाकू सुदा इताडदारपे बड़ाँवयना अरू मिनीटोंग देहराः दगलीकूनपे बड़ाँवयना अरू ईसू मसीतेकू पवाःता हना जबान अपे होँपे पवावयना।

2 कुरिंती 5:5

अरू ननानाः ओंगोलते भनगवान अबू लगा नँवा देहे संजोड़ दोहोकेरा, अरू हनाराः बयान इया हाँय आँयगराः सुद बिरुवाय एमेवाडबुःआ।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

उदुःतो कताकून 21:23

भनगवान विड़चेड़तना हनालगा बेर अरू बांगोते हना सहर मरसलगे लगा कोवानेःआ। अरू नाःआ सहरराः ढिबरी, भेड़ा होन दोहोना।

इबरानी 12:23

अरू हंडा अहाल-बहालते जुमावतो लाक लाक सेरमो देसरिकुःआ बराहीलकू इदानकुःआ। हंडा मरंग बेटाकूराः गउदा अरू कलसिया हों इदा अरू हँकुःआ होड़कूराः ञाव सेरमो देसरे ओजाःतो इदा। अरू अबू जमा होड़कूय फड़ियावता हाँयग भगवान हों हंडा इदानिया। उडु-बुडू बड़ाँवतो बेगर गारबार होड़कूराः हनसाकून

कुलूसी 2:2

हँकूराः जीव हड़ियाड़कियानखन अलार-दुलारते मिनी जुमूटगे लगायिंग चहाःतना, जेमहा भगवानराः ओकोत बुइद, ईसू मसी बदीरे, नपायते बुझावकियानखनकू सुनुदीबाःगे।

इपीसी 5:20

अरू परबू ईसू मसी अबू लगाय एचेकेरा हना जनामालेःआ लगा अपांग भगवान जमा बेलापे धनियाबादगोड ञवन।

1 कुरिंती 8:6

अबू लगा मिनीटोंग भगवान इदा अरू हनाँय हवे अबूरीग अपांग। हाँय जमाकूने तुलाकेरा अरू अबू हाँय लगाबू जियाःता। अरू अबू लगा मिनीटोंग परबू इदा। हनाँय हवे ईसू मसी। हाँय जमाकूने तुलाकेरा अरू हनाँयते अबू जीयत इदानबुःआ।

रूमी 15:27

मड़ंगरे भगवानराः नपाय सरवन मकिदुनिया राइजरिकुःआ अरू अकाया राइजरिकुःआ होड़कू एहूदाकू अतेकू अयूमतेरा। हनालगा हँकुःआ होड़कू एहूदा बिसवासी होड़कू संघरावाकू लगा हों हँकूराः जिमेवारी इदा।

एकूब 3:9

अबूराः आहते परबू अरू भगवानबू जागतना अरू हनानाः आहते अबू भगवान आँयग इयाय तुलाकेडकुःआ हँकुःआ होड़कूबू सती-सरापतना।

इबरानी 3:1

ने सुद अजी बोपोहकूतिंग, भगवान ईंगे राःकेरा हनन इया अपे होंय राःकेरा। हनालगा भगवानरीग बराहील अरू मूक पुजउरी हवे माःआनबू कबुलाःता हाँयग ईसू एचेरे अपेराः ओंगोलपे टक-टकगोड।

कुलूसी 3:17

अपे तोनोंगाः बुतापे बुता सहे तोनोंगाः कतापे बड़रा हना जमाकून ईसू मसी लगापे एचेय, अरू हाँयते अपांग भगवानपे जागगोड ञवन।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

इपीसी 5:4

अपे लगा नपाय कोनोवानेःआ हना बेगर गियुःतेःआ बड़रा, सदाःआ बड़रा सहे केसेड़ा बड़रा, अपे अहापे बुतुड़ु। मनदो भगवान अपे लगाय एचेकेरा हना जमाकून लगा हाँयपे धनियाबादगे।

इपीसी 4:6

जमाकूरीग मालिक अरू जमाकूते आँयगराः बुताय बुताता अरू जमाकूराः इंदरीरेय दोहोनता हाँय, अबू जमाकूरीग मिनीटोंग अपांग अरू भगवान इदानिया।

1 कुरिंती 9:23

जमा होड़कू नपाय सरवन बिसवासगे लगा ईंग नाःआ इयायिंग एचेयतना, जेमहा हँकुःआ होड़कू इया भगवान ईंगराः जीव होंय नपायगे।

रूमी 11:17

नपाय जइतून सींगराः तोनोंग तोनोंग डइड़कून भगवान तपेग एंडागोतेडा अरू पहाड़राः जइतून सींगराः डइड़कून हना नपाय जइतून सींगरेय तोल जोड़ावगोतेडा अरू नुँहू जियाः लगा हना सींगराः जेरते दाःकून पवाःतना।

रूमी 9:23

जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।

एहुना 20:17

हनते ईसू कतातेड, “ईंग अपांग भगवान एचेरे अरीनिंग सेना। हनालगा आम ईंग अहम साब रहावकायिंग। मनदो आम ईंगरिकुःआ वपक बोपोहकूतिंग एचेरे सेनेकियानखन हँकू एचेरेम कता उदुःगोड, ईंगरीग अरू अपेरीग अपांग अरू ईंगरीग अरू अपेरीग भगवान एचेरे सेरमोयिंग सलाःतना, माःआन।”

एहुना 4:23

मी बेला दरवाःआ अरू हनानाः बेला नुँहू बुँहड़ीयना। सतायते अपांग भगवानकू जागता, हँकुःआ होड़कू बिरुवा अरू सतायते हाँयकू जागता। अरू ननन इयाकू जागगेता हँकुःआ होड़कू भगवान ञामकूता।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

उदुःतो कताकून 22:14

अँनकूराः सोनहेकू बुहाल अमिंगेता हँकुःआ होड़कूराः जीव भगवान नपायगेता। हँकू हना सहरराः हता दुवारतेकू बोलो अवेनता अरू हँकू जीव एमेता हना सींगराः जोःओ जोम लगाकू पवाःता।

उदुःतो कताकून 22:5

हंडा कहियो ओरो अयूबनेना। परबू भगवान हँकू मरसले एमेवाकूता। हनालगा हँकूके ढिबरी अरू बेर, मरसल एमे लगा ओरो दोहोनेना। अरू हँकुःआ सेवकियाकू सगर सइट लगा राजाकू इयाकू राइजगेता।

1 एहुना 1:3

अले ञेलकेरा अरूले अयूमकेरा, हनानाः अपे एचेरे होंले कतायतना, जेमहा अपे अले सुदापे मिनी जुवाः। अरू अले हों अबूरीग अपांग भगवान अरू आँयगरीग बेटात ईसू मसी सुदा मिनी इदानलेःआ।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

2 कुरिंती 11:14

कलउ हों विड़चेड़तो सेरमो देसरिकुःआ बराहीलकूराः भेसरेय बड़ाँःता। हनालगा नँकुःआ होड़कू बदीरे अबू बयाः लगा कोवानेःआ।

इपीसी 2:18

दो नुँहू अबू जमाकू मिनीटोंग सुद बिरुवाते अपांग भगवान एचेरेबू सोदोर अवेनता।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

इपीसी 5:11

होड़कू रइतरेकू एचेयता हना अंदराराः बुतारे अहापे मेसान, मनदो हँकूराः बुता तुमिन बेलूर अरू सदाःआ इदा, हना अपे हँननकूपे एचे उदुःवाकू।