कुलूसी 1:10 - Korwa Bible

¹⁰ जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

कुलूसी 1:10 Referans Kwoze

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

1 एहुना 3:22

अबू भगवानराः हुकुमकूनबू मनाःता अरू हाँय ननायगुःता हनानाःबू एचेयता दो अबू तोनोंगाःबू असेयता हान, भगवान अबू लगाय एमेयता।

एहुना 15:16

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

1 तिसलूनिका 4:1

टुनुटीगरे ईंगरिकुःआ अजी-बोपोहकूतिंग, भगवान ननायगुःता हन इया अपे जियाः लगाले चेडतेडपेःआ अरू अपे हनन इयापे जियाःतना। दो नुँहू अपे परबू ईसू मसीरे मिनी इदान अते, अपे नाःआ इया अनउरपे एचेय लगा गोड़न-पइयनकेडखनले असेयतना।

इबरानी 13:16

एटाः होड़कू नपायते संघरावाकू लगा अरू हटिंगवाकू लगा अलोपे लिड़िंगे। ननन इयाःआ बलिदानते हमा भगवान ननायगुःता।

एहुना 15:8

अपे नपाय बुताकेडखन मुरुक जोःओपे अदेरगोड दो अपे ईंगरिकुःआ चेलाकूपे बड़ाँःता। भगवानराः मान मरजइत नानाः अते होयाःता।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

2 पतरस 1:8

नाःआ कताकून अपेराः जीवरे इदा अरू बडेनता दो, अबूरीग परबू ईसू मसीराः कनहून बदीरे अपेराः जीव बेगर लूर अरू सदाःआ ओरो होयानेना।

कुलूसी 2:6

दो अपे ईसू मसी, परबू माःआनपे मनेवाडिया, हनन इया हाँयराः कता मनाः घड़ीनपे सलाव ञवन।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

कुलूसी 4:5

बेगर बिसवासी होड़कू सुदा नपाय ओंगोल बुझाः घड़ीन अपेराः लूर-नेवन होयाः लगा इदा। अरू जमा बेला हँकू लगा नपाय बुता एचेय लगा सपड़ावतोपे दोहोन।

इपीसी 5:15

अपे बोको होड़कू इया अहापे होयाः। मनदो कनहूनदारकू इया, जमा कताकून अउल-तउलकेडखनपे जियाः।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

2 कुरिंती 2:14

भगवान ईसू मसीते जमा बेला अबू बहालतेय एचे जितावबूता। अरू हाँय नपाय महकता हना सुनुम इयाःआ मसीराः कनहून, अबूते होड़कूय एचे सुदीगोडकूता। हनालगा भगवानिंग धनियाबादता।

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

इपीसी 5:10

अरू भगवान ननायगुःता हना कता अपे चिडुः लगापे कुरनिसगे।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

तितूस 3:1

ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

कुलूसी 3:20

ने लइंकू, अपे अँननपेरिकुःआ एंगा-अपाराः जमा कताकूनपे मनाः दो, परबू अपे सुदाय ननाय जुवाःता।

इपीसी 4:13

अबू जमाकू बिसवास बदीरे अरू भगवानरीग बेटातराः सुदी बदीरे मिनी ओंगोलते ईसू मसी इया जमालेःआते उडु-बुडू अरीनबू होया जुवाः वरीते नाःआ इयाःआ सेवाकून सनालावगोड ञवन लगा इदा।

इबरानी 11:5

बिनिसवासते हानोक मेरेय गोएगगान अरू भगवान हाँये रेम गोःयरा। हनालगा तोनोंगीग हाँय मेरकू ञाम अवेगडीग। रेम गोःगेय अते मड़ंग भगवान हाँय सुदाय ननायनेना माःआन, हाँय बदीरे ओजाःतो इदा।

2 तिमुतियूस 2:4

मी होड़ सइना होड़ आँयगरीग अगुवा होड़राः हुकुम इयाय एचेयता। हनालगा हाँय अनँयग आँयग चउंदीसराः तोनोंगाः एटाः बुतारे मेरेय बझाःता।

कुलूसी 2:19

नाःआ इयाकुःआ होड़कू ईसू मसी सुदा मिनी मेरकू दोहोनता, अरू हँकू बोः अते एटाःतो देह इया इदानकुःआ। सिर अरू गेँटकूनते बोः देहराः जमा दगलीकून मिनी जुमूट दोहोगेता, हनन इया ईसू मसी हों कलसिया, आँयगराः देह, मिनी जुमूटे दोहोगेता अरू भगवान कलसियाय एचे हरागोडता।

पिलिपी 4:18

अपे इपापुरूदितूसते ईंग लगापे वारतेरा हना संघरा, ईंग पवावकियानखनिंग संतोकयना। नुँहू ईंग एचेरे तोनोंग इयाःआ हुडिंग बगरा कोवानेःआ अरू जनामालेःआ इनिदा। अपेराः संघरा भगवान लगा नपाय महक एमेयता हना बलिदान इया इदा अरू हनाते हाँय ननाययना।

इपीसी 1:17

जेमहा परबू ईसू मसीरीग अगम मरंगीग अपात भगवान, अपे सेरमो देसराः कनहूने एमेवापे लगा अरू अनउर नपायते हाँयपे सुदी अवे लगा अनँयगराः कताकूने उदुःवापे।

2 कुरिंती 9:8

भगवान अपेराः जीव-जहन जमालेःआतेय अहाल-बहाल अवेयता, जेमहा अपे जमा कताकूनरे, जमा बेला, अपेराः जमा जरूरइत जिनिसकून दोहोन अते, अपे जमा इयाःआ नपाय बुता बुता लगापे उडु-बुडू जुवाः।

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

रूमी 4:12

अरू खतनानेन अते मड़ंग इबराहीम भगवान एचेरेय बिसवासतेरा। हनन इया खतनात होड़कू होंकू भगवान एचेरेकू बिसवासगेता दो हँकू हों हाँयरिकुःआ नइड़-बाँस होड़कूकू बड़ाँव जुवाःता।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

2 कुरिंती 5:9

हनालगा अले नाःआ देहरेले दोहोन सहेले अटू एंडा अटू, हाँय ननायगेय लगा एकला तक-तकावतो इदानलेःआ।

3 एहुना 1:6

हँकुःआ होड़कू नंडाकुःआ कलसियारिकुःआ होड़कू एचेरे आम करा इया हँकूम दुलारकेरा हना बदीरेकू कता उदुःतेरा। हँकुःआ होड़कू आम एचेरे अरूकू वेग दो हनमेला भगवानरिकुःआ होड़कू सुदा करा इया एएचे इदा हनन इया एचेकेडखन नँकू नपायतेम वारगोडकू।