मूक चेलाकू 9:39 - Korwa Bible

³⁹ दो पतरस हँकिन सुदाय सेनेडा। अरू हाँय हंडाय सोदोरनेन दो हँकू हाँय हना ओड़ाःराः सेरमो दोहोना हना छिनारेकू गोःतिरिया। हंडा मुरुक रंडियाहीनकू दोहोना, अरू हँकू हाँयग तबीता, हँकू सुदा दोहोन मेला हँकू लगाय सोःतेरा हना सोनहे, पतरस एचेरेकू उदुःतेडखन फिकीर घड़ीनकू इयामा।

मूक चेलाकू 9:39 Referans Kwoze

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

2 कुरिंती 8:12

तोनोंगीग बिहिरी एमे लगा हाँयराः हिछा इदान दो, आँयग एचेरे कोवानेःआ हना अते कोवान मनदो हाँय एचेरे इदा हनानाः अतेय एमेगोडता दो भगवान हनाए मनेवाता।

मूक चेलाकू 20:35

ईंग एचेतेरा, हना बुताकूनते जमा बुताकून मुरुक मिहनइत घड़ीनपे एचेय लगा अरू गरीब होड़कू संघरावाकू लगायिंग उदुःवाडपेःआ। परबू ईसू कतातेरा, गोगोः अते एएमे लगा ननपाय इदा, हना कता होँपे उहियारगोड ञवन।”

मूक चेलाकू 9:41

दो पतरस हाँयराः तिःईरे साबतिरिगखने एचे चड़ाँतिरिया। हनते हाँय रंडियाहीनकू अरू बिसवासी होड़कूय राःतेरा अरू हाँयग तबीता जीयते जिमावातेडकुःआ।

मूक चेलाकू 8:2

भगवानकू मनवेयता हँकुःआ होड़कू इसतपनूसकू तीलतेरा अरू हाँय लगा मुरुककू फिकीरावयान।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

एहुना 12:8

गरीब होड़कू अपे एचेरे सगर बेलाकू दोहोनता, मनदो ईंग अपे सुदा सगर दिन ओरोयिंग दोहोनेना।”

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

मरकूस 14:8

नाँयग अइमी एचे अवेःआ हनानाःए एचेकेरा। नाँय ईंगकू तील अते मड़ंग ईंग धाररे सुनुमे तिलाःकेरा।

मती ओजाःतेरा भगवानराः नपाय सरवन 26:11

गरीब होड़कू अपे एचेरे जमा बेलाकू दोहोनता। मनदो ईंग अपे सुदा सगर दिन ओरोयिंग दोहोनेना।

मती ओजाःतेरा भगवानराः नपाय सरवन 17:17

दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मूक चेलाकू 1:13

हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना।

1 तिमुतियूस 5:3

सतायरे रंडियाहीनकू इदानकुःआ हँकूपे मान मरजइतकू अरूपे संघरावाकू।

1 तिमुतियूस 5:5

सतायरे रंडियाहीन इदानिया अरू तोनोंगीग हाँय संघरावाय लगा मेरकू दोहोनता हाँय, दिन रइत अरजी घड़ीन भगवान संघरागेय लगा हाँय एचेरेय असरागोड ञवनता।