मूक चेलाकू 9:29 - Korwa Bible

²⁹ उनानी भासीकू बड़राःआ हँकुःआ एहूदाकू सुदाय बड़राःआ अरूय अड़ा-चउकीयान। मनदो हँकुःआ होड़कू हाँयग साहूल ञेड एंडागेय लगाकू ओंगलेःआ।

मूक चेलाकू 9:29 Referans Kwoze

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

जूदा 1:9

मनदो जमाकू अते मरंग सेरमो देसरीग बराहील मिकाईल हों, मोसेसराः मुरदा लगा कलउ सुदाय लड़ाइ मेला, हाँयग कलउ बदीरे तोनोंगाः ओपता बड़रा मेरेय कतागाड, मनदो हाँय नाःआ इयाय कतातेड, भगवान आमे डंडियावता, माःआन।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 19:8

हनते पउलूस पेय महिना वरी हना सहररे एहूदाकूराः अरजी ओड़ाःरे घड़ी घड़ी सेनेडखन बेगर बोतोरतेय कताया अरू भगवानराः राइज बदीरेय कतागोड ञवना।

मूक चेलाकू 18:19

हँकू इपीसी सहररेकू सोदोरनेन अरू हाँय पिरिसकी अरू अकिला हंडाय अटूतेडकिना। अरू हाँय अनँयग आँयगते अरजी ओड़ाःरेय सेनेडा अरू एहूदाकू सुदाय कता होड़ेंगा।

मूक चेलाकू 17:17

हनालगा हाँय एहूदाकूराः अरजी ओड़ाःरे एहूदाकू अरू भगवानकू मान मरजइतता हँकुःआ बेगर एहूदाकू सुदा भगवानराः सरवने कता उदुः ञवना अरू सगर दिन हाँय बजाररे जुमाःतो होड़कू एचेरे भगवानराः सरवने कता उदुःतेरा।

मूक चेलाकू 9:27

दो बरनाबास साहूले संघरावातेरा अरू ईसूरिकुःआ मूक चेलाकू एचेरेय अगूतिरिया। हाँय हँकू एचेरेय कतातेरा, “नाँयग साहूल दूररे ईसूय ञेलतेरा अरू परबू नाँय सुदाय बड़रानेना। हना तयोमरे दिमसकूस सहररे बेगर बोतोरते होड़कू एचेरे ईसूराः बदीरेय परसार उदुःतेरा।”

जूदा 1:3

ईंगरिकुःआ सउंगताकू, भगवान ईसू मसीते अबूय सडावकेरा हना बदीरे ओजाःगे लगा जमा बरानिंग कुरनिसतेरा। मनदो बिसवासी होड़कू एचेरे भगवान मिनी तुरहाय जिमावातेरा हना बिसवासपे संभाड़गे लगा जमा बरानाः कुरनिसगे लगा इदा। अरू नाःआ कता बदीरे अपे लगा ओजाःकेडखन अपे एचे कता बहालपे लगा नुँहूयिंग ओंगोल दोहोकेरा।

मूक चेलाकू 9:28

हनते साहूल एरुसलेमरिकुःआ जमा बिसवासी होड़कू सुदा हेल-मेलतोय दोहोना अरू हाँय बेगर बोरते परबू ईसूराः बदीरे होड़कू एचेरेय परसार उदुःतेरा।

मूक चेलाकू 22:18

हना दरसनरे परबू ईसू ईंग एचेरेय कताया, ईंग बदीरे आमराः हिदइत नंडाकुःआ होड़कू मेरकू बकाःता। हनालगा आम ओहेन एरुसलेम अतेम सलाव जुवाः, माःआन।