मूक चेलाकू 9:27 - Korwa Bible

²⁷ दो बरनाबास साहूले संघरावातेरा अरू ईसूरिकुःआ मूक चेलाकू एचेरेय अगूतिरिया। हाँय हँकू एचेरेय कतातेरा, “नाँयग साहूल दूररे ईसूय ञेलतेरा अरू परबू नाँय सुदाय बड़रानेना। हना तयोमरे दिमसकूस सहररे बेगर बोतोरते होड़कू एचेरे ईसूराः बदीरेय परसार उदुःतेरा।”

मूक चेलाकू 9:27 Referans Kwoze

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

मूक चेलाकू 4:29

दो परबू, नुँहू हँकूराः हुड़कावमे अयूम अरू अले आमरिकुःआ सेवकिया होड़कू, मुरुक डीड़ते आमराः सरवन कता उदुः लगाम संघरावाले।

मूक चेलाकू 4:13

दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

गलातिया 2:13

एटाः एहूदाकू हों हाँय इयाकू पचघुचियाःआ, अरू हनन इया बरनाबास होंय पचघुचियाःआ।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

1 कुरिंती 15:8

ईंग सतवास जनमावतो लँइग इयायिंग दोहोना। हनते हों टुटीगरे ईसू ईंग एचेरे होंय एचे ञेलनेना।

1 कुरिंती 9:6

ईंग अरू बरनाबास एकला जोम-ञूय लगा तितिहा इदा जा?

मूक चेलाकू 15:2

पउलूस अरू बरनाबास हँकू सुदा रायरे मेरकिन दोहोगान अरू हँकू सुदा मुरुक बेला वरी हना कता बदीरेकिन अड़ा-चउकीःआ। हनालगा अंतकियाराः कलसियारिकुःआ बिसवासी होड़कू पउलूस अरू बरनाबास एरुसलेम अगी सेनेडखन ईसूरिकुःआ मूक चेलाकू अरू कलसियारिकुःआ अगुवा होड़कू सुदा नाःआ कता बदीरे कता उदुःगे लगा हँकिनकू लुंबाड़तेरा।

मूक चेलाकू 13:2

दो हँकू उपास घड़ीन परबूकू जाग मेला, सुद बिरुवा कतातेरा, “ईंग राःकेडकिना हना बुता एचे लगा बरनाबास अरू साहूलपे एटाःगोड।”

मूक चेलाकू 12:25

बरनाबास अरू साहूल अँकिनराः सेवा चबातेडखन एरुसलेम सहर अते अंतकिया सहर अगीकिन कुदायान। सेनेन मेला हँकिन सुदा एहुनाकिन गोःयाड। अरू हाँयग एहुनाराः एटाः ञाव दोहोना मरकूस।

मूक चेलाकू 11:25

हना तयोमरे हाँय साहूल ञाम लगा तरसूस सहर अगी तोराय।

मूक चेलाकू 11:22

नाःआ कता एरुसलेमराः कलसियारिकुःआ होड़कू अयूमतेरा दो, हँकू बरनाबास ञावीग मी होड़ बिसवासी होड़ अंतकिया सहररेकू वारगोतेडीग।

मूक चेलाकू 9:17

हनते हनानियाह हना ओड़ाः अगी सेनेडखन हंडाय बोलोनेन। हाँय साहूलराः बोःरे तिःई खेपातेडखने कताया, “ने बोहोयिंग साहूल, आम नंडा वेग मेला आम एचेरे दूररेय एचे ञिलुःआ, हाँयग परबू ईसू आम मेड नपायगुः लगा अरू सुद बिरुवातेम पेरेगगुः लगा आम एचेरेय वारकिरिंगा।”

मूक चेलाकू 9:29

उनानी भासीकू बड़राःआ हँकुःआ एहूदाकू सुदाय बड़राःआ अरूय अड़ा-चउकीयान। मनदो हँकुःआ होड़कू हाँयग साहूल ञेड एंडागेय लगाकू ओंगलेःआ।