19 हना तयोमरे हाँय जोमा अरू हाँयराः जीव बड़ियाड़यान।
मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।
अरू ईंग अते मड़ंग ईसूरिकुःआ मूक चेलाकू बड़ाँवनेना, हँकुःआ होड़कू एचेरे एरुसलेम सहर अगी मेरिंग सेनेगान, मनदो अरब देसिंग सेनेडा अरू हंडा अते दिमसकूस सहरिंग कुदा वेजेडा।
हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।
हननमेला साहूलराः मेड अते केता उड़ी तोनोंग जिनिस लोजोरनेना अरू हाँय नपाययाने। हाँय रेमनेन अरू बतिसमाय गोःतेरा।
साहूल एरुसलेम सहररेय सोदोरनेन दो हाँय चेलाकू सुदा मेसान लगाय कुरनिसतेरा। मनदो नाँय सतायरे चेला हवे माःआन हँकू मेरकू बिसवासगाड। हनालगा हँकू हाँयकू बोरोवाया।
जोपा सहर लुदा गाँवराः लेसानरे दोहोना। हनालगा चेलाकू पतरस लुदारे इदानिया माःआनकू अयूमतेरा। दो हँकू बार होड़ होड़किन हाँय एचेरेकू वारगोतेडकिन अरू हाँय एचेरेकू एचे कतातेड, “दोबू, अलिंग सुदा जोपा अगी ओहेनबू सेन।”
दो हंडाकुःआ चेलाकू अँननकूराः पुंजी पसारकून एहूदिया छतररिकुःआ बिसवासी होड़कू संघरावाकू लगाकू एमेतेरा।
