मूक चेलाकू 9:14 - Korwa Bible

¹⁴ अरू नुँहू हाँय आमराः ञावरेकू बिसवासगेतना हँकुःआ होड़कू साब गोः लगा मरंग पुजउरीकू अते हातपाततेय वेगकिया।”

मूक चेलाकू 9:14 Referans Kwoze

मूक चेलाकू 9:21

हाँय ईसू, भगवानरीग बेटात हवे माःआन अरजी ओड़ाःकूनरेय परसारगे लगा ओहेने बुँहड़ीगोतेड। हाँयराः परसारकू अयूमतेरा हँकुःआ होड़कू बयावनेनखनकू कता होड़ेंगा, “ईसूराः ञावरेकू बिसवासतेरा एरुसलेम सहररिकुःआ होड़कूय ञेड एंडातेरा अरू मरंग पुजउरीकूते चिठी एचे ओजाःतेडखन नंडाकुःआ होड़कू एचे साबकू लगाय वेजेडा हाँयग होड़ ननाँय हवे माःआन अले मेरले बिसवास अवेयता।”

मूक चेलाकू 7:59

हँकुःआ होड़कू इसतपनूस दिरितेकू तेकेया हनमेला हाँय अरजीतेरा, “परबू ईसू, ईंग आम तिःईरे ईंगराः हनसायिंग जिमागेतना।”

2 तिमुतियूस 2:22

डिंघा धंगड़ीकूराः जीवरे वेगता, हना देहराः हिछाकून अते तोनोरेम दोहोन अरू सुद इंदरीते भगवानकू जागता, हँकुःआ होड़कू सुदा बेगर गारबारते बिसवास अरू अलार-दुलार घड़ीन सलसतरे दोहोन लगाम होमगोड।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

मूक चेलाकू 22:16

अरू नुँहू आम चिलाम तंगीतना? रिमुःमे अरू बतिसमाम गोः अरू आमराः कसूर भगवान बराव एंडागे लगा ईसू एचेरेम बिसवासगे।

एहुना 15:21

हँकुःआ होड़कू ईंगे वारकेरा हाँय मेरकू सुदीगेयता। अपे ईंगरिकुःआ हवे। हनालगा हँकू अपे सुदा नाःआ जमाकूनकू एचेयता।