मूक चेलाकू 8:40 - Korwa Bible

⁴⁰ मनदो भगवानराः सुद बिरुवा असदोद सहररे पिलिपे गोः सोदोरतिरिया अरू हाँय कइसरिया सहर अरीन सुदुरुः वरी जमा सहरकूनरे भगवानराः नपाय सरवन होड़कू एचेरे परसार उदुःवा घड़ीने सेना।

मूक चेलाकू 8:40 Referans Kwoze

मूक चेलाकू 21:8

एटाः दिन अले कइसरियाले सोदोरनेना अरू भगवानराः नपाय सरवन परसारीग होड़ पिलिपराः ओड़ाःरेले दोहोना। हाँय एरुसलेमरे ईसूरिकुःआ मूक चेलाकू संघरा एमेवा लगाय सुनावतेडकुःआ हँकुःआ सातगोटोंग सेवकियाकू अते मी होड़े दोहोना।

मूक चेलाकू 25:4

मनदो पिसतूस कतातेरा, “पउलूस कइसरिया सहररे तोलतो इदानिया अरू ईंग हों हंडा सेन लगा इदा।

मूक चेलाकू 23:33

घोड़ा सलाव होड़कू कइसरिया सहररेकू सोदोरनेन दो हँकू मरंग हातपात होड़ पेलिकस एचेरे चिठीकू एमेतेरा अरू पउलूस हों हाँय एचेरेकू जिमागोतेडीग।

मूक चेलाकू 23:23

हनते हाँयग मरंग हातपात होड़ आँयगरिकुःआ मी सव सइनाकूरिकिनाः बारगोटोंग हातपात होड़किन राःतेडखने हुकुमवातेडकिन, “बार सव सइना होड़कू, सतरगोटोंग घोड़ा सलाव होड़कू अरू बरछा साबतो बार सव होड़कू कइसरिया सहररे तिनिसिंग खर-बियाड़ी रइत सेन लगापे सपड़ाव दोहोका।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

मूक चेलाकू 25:13

तोनोंग दिन तयोमरे अगरिपा राजा अरू आँयगरीग मेसेत बेरनिका पिसतूस सुदा जुमाः लगा कइसरियारेकिन वेजेडा।

मूक चेलाकू 25:6

हँकू सुदा एरुसलेमरे आठ दस दिन दोहोनेनखन हाँय कइसरिया अगी तोराय। अरू हंडा सोदोरनेनखन एटाः दिन कोट कछेरी ओड़ाःरे दुड़ुःकियाखन पउलूस अगूय लगा अगुरा होड़कूय हुकुमवातेरा।

मूक चेलाकू 25:1

कइसरियारे सोदोरनेनखन पेय दिन तयोमरे पिसतूस हंडा अते एरुसलेम अगी तोराय।

मूक चेलाकू 21:16

कइसरियारिकुःआ तोनोंग तोनोंग बिसवासी होड़कू हों अले सुदाकू सेनेडा। सइपरासरीग मी होड़ होड़ हंडाय दोहोना। हाँयराः ञाव दोहोना मनासोन। हाँय मुरुक बरिस वरीते ईसूरीग चेलाय दोहोना। अरू मनासोनराः ओड़ाःरे अले रोंकाः लगा हँकुःआ बिसवासी होड़कू अलेकू गोःतेडलेःआ।

मूक चेलाकू 12:19

दो हरदोस राजा पतरस मुरुक अता पताय लगावतिरिया मनदो हाँय मेरेय ञामगडीग। हनालगा हाँय हँकुःआ अगुरा होड़कू जासतेडखन एचे ञेड एंडाकू लगाय हुकुमतेरा। हनते हरदोस राजा एहूदिया छतर अते कइसरिया सहर अगी सेनेडखन तोनोंग दिन वरी हंडाय दोहोना।

मूक चेलाकू 10:24

एटाः दिन हँकू कइसरिया सहररेकू सोदोरनेना। कुरनेलियूस अनँयगरिकुःआ जइत सगाकू अरू निकता सउंगताकू राःतेडकूखन पतरस अरू आँयग सुदाकू वेगा हँकुःआ होड़कूय तंगीःआ।

मूक चेलाकू 8:25

पतरस अरू एहुना हना छतररे भगवानराः सरवन कता उदुः लगा चबानेन दो हँकिन एरुसलेम अगीकिन कुदा सेनेडा। सेनेन सेन दूररे हँकिन ईसूराः नपाय सरवन समरिया छतरराः एटाः एटाः गाँवरेकिन परसार उदुःतेरा।

मूक चेलाकू 9:30

बिसवासी होड़कू नाःआ कताकू सुदीतेरा दो हँकू हाँय कइसरिया सहर अगीकू गोःयातिरिया अरू हंडा अते अनँयग सहर तरसूस अगी जहाजरेकू वारगोतेडीग।

मूक चेलाकू 11:11

दो हननमेला कइसरिया सहर अतेकू वारतेडकुःआ हँकुःआ पेनेय होड़कू, ईंग दोहोना हना ओड़ाःरेकू वेग चड़ाँनेना।

मूक चेलाकू 18:22

हाँय कइसरिया सहररेय सोदोरनेन दो हाँय एरुसलेम सहरराः कलसियारिकुःआ होड़कू सुदा जुमावनेनखने सलामतेडकुःआ। हनते हाँय अंतकिया अगी तोराय।