मूक चेलाकू 8:35 - Korwa Bible

³⁵ दो पिलिप भगवानराः कागदराः हना पाठते बुँहड़ीतेडखन ईसू बदीरे नपाय सरवने कता उदुःतेरा।

मूक चेलाकू 8:35 Referans Kwoze

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

मूक चेलाकू 18:28

हाँय एहूदाकू सुदा भगवानराः कागद अतेकू कता होड़ेंगा अरू हना कागद अते ईसू, मसी हवे माःआने उदुःवातेडकुःआ।

1 कुरिंती 2:2

दो हनमेला ईंग ईसू मसी बदीरे अरू कुरूसरे हाँयराः गुजुः बदीरे एकला अपे एचेरे कताय लगायिंग ओंगोल दोहोबाःकातेरा।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मती ओजाःतेरा भगवानराः नपाय सरवन 5:2

दो हाँय हँकू चेड घड़ीने कताया,

मूक चेलाकू 5:42

अरू हँकू सगर दिन भगवान ओड़ाःरे अरू ओड़ाः ओड़ाः सेनेवाडखन ईसू, मसी हवे माःआनकू परसार ञवना अरूकू चेडकुःआ।

इपीसी 4:21

अपे हाँय बदीरेपे अयूमबाःकेरा अरू चेडदार होड़कू अपेकू चेडतेरा, हना कता ईसू मसीराः सनाताय चेडतो हवे।

2 कुरिंती 6:11

ने कुरिंती सहररिकुःआ वपक बोपोहकूतिंग, अले अपे एचेरे जमालेःआले कता उदुःकेरा अरू मिनी जीवतेले अलार-दुलारकेडपेःआ।

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

मूक चेलाकू 19:13

अदोम एहूदाकू एटाः एटाः सहरकूनरे सेनेडखन होड़कू अते भूतकूकू उडुंगा। हँकुःआ होड़कू ईसूराः ञावते भूतकू उडुंगगुः लगाकू बरमाःआ। हँकू नाःआ इयाकू कताया, “पउलूस परसारगेतना हाँयग ईसूराः ञावते उडुंग वेग लगाले हुकुमगेतना।”

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 10:34

हनते पतरस परसारगे लगाय बुँहड़ीतेरा, “नुँहूयिंग सुदीकेरा भगवान तोनोंगीग होड़ एचेरे मेरेय पाचपटीता,

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

मूक चेलाकू 3:20

अरू हाँय अपे लगा आँयग सुनावतो मसी, ईसूय वारगोडता।

मूक चेलाकू 17:18

तोनोंग तोनोंग इपिकुरी अरू इसतोइकी गउदारिकुःआ कनहून चेडदार होड़कू पउलूस सुदाकू अड़ा-चउकीःआ। हँकू अते अदोम होड़कू होंबोरतेरा, “नाँयग बेलूर बउकाः होड़ चेले माःआन कताय लगाय चहाःतना?” एटाः होड़कू कतातेरा, “नाँय दो एटाः देसरिकुःआ होड़कूराः तोनोंग देवताराः बदीरेय कतायतना।” पउलूस, ईसूराः नपाय सरवन अरू गोएगतो होड़कूय जियाव रेमता हना कताय परसार उदुःतेरा, हनालगा हँकुःआ होड़कू नाःआ इयाकू कतातेरा।

मूक चेलाकू 8:34

दो हाँयग होड़ पिलिप एचेरेय होंबोरतेरा, “ईंग मयावाडखन उदुःवायिंगमे, भगवानराः बड़रा कतायीग होड़ इये बदीरेय कतायतना? अनँयग बदीरे जा एटाः होड़ बदीरे?”