मूक चेलाकू 5:41 - Korwa Bible

⁴¹ अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

मूक चेलाकू 5:41 Referans Kwoze

एकूब 1:2

ईंगरिकुःआ अजी बोपोहकूतिंग, अपेराः बिसवास बदीरे एटाः एटाः इयाःआ अंदजाव होयाःतान मेला अपे बनाहाल माःआनपे ओंगोले।

लूका 6:22

मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता।

पिलिपी 1:29

अपे ईसू मसी एचेरे बिसवासगे लगा एकला कोवान, मनदो हाँय लगा कटसिया हों सहाव लगाय दहिनवाडपेःआ।

एहुना 15:21

हँकुःआ होड़कू ईंगे वारकेरा हाँय मेरकू सुदीगेयता। अपे ईंगरिकुःआ हवे। हनालगा हँकू अपे सुदा नाःआ जमाकूनकू एचेयता।

2 कुरिंती 12:10

ईंग अबड़ावगुःतान मेला, ईसू मसी ईंगे बड़ियाड़गींगता। हनालगा ईंग अबड़गुःतान मेला, अरू कटसियारेयिंग दोहोनतान मेला, अरू ईंगकू ओपतागिंगतान मेला, अरूयिंग गरीबगुःतान मेला अरू ईसू मसी बदीरे ईंगकू संतावगींगतान मेला बनहालतेयिंग दोहोनता।

इबरानी 12:2

अबूराः बिसवासे बुँहड़ीता अरूय उडु-बुडूगेता, हाँयग ईसू अगी सिरढीटबू ञेलगोड ञवन। हाँय कुरूसराः गुजुः बदीरे एचे बेग-हतान लगा मेरेय ओंगोल एरंगगान, मनदो हाँय दरवाःआ हना बहालराः कताकून लगा हना कटसियाय सहावतेरा। अरू हना तयोमते भगवानराः गदीराः खउना तिःई गतर हाँय दुड़ुःकिया।

रूमी 5:3

ननानाः एकला लगा अबू मेरबू भल-भलायगुःता। अबू सुदीयतना, कटसियारे पारगुः मेला सहाव घड़ीनबू दोहोनता,

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

मूक चेलाकू 5:21

दो अंगुः निंदावा हँकू एचेरे सेरमो देसरीग बराहील कतातेरा हनन इया भगवान ओड़ाःराः राचरेकू बोलोनेना अरू होड़कू चेड लगाकू बुँहड़ीतेरा। हनमेला मूक पुजउरी अरू आँयगरिकुःआ होड़कू वेजेडा दो हँकू मरंग पंचाइतरे जमा इसराएलरिकुःआ मूक होड़कूकू एचे जुमाःतेरा अरू मूक चेलाकू जेहेल अतेकू एचे राःतेडकुःआ।

मूक चेलाकू 21:13

दो पउलूस कता कुदातेरा, “अपे चिला लगा ईंगराः जीवपे इयाम अदरुजीतना? ईंग ईसूराः बदीरे तोलुः लगा अरू गुजुः लगा हों सपड़ावतो इदानिंगा।”

3 एहुना 1:7

नँकुःआ होड़कू ईसूराः सेवा लगा अँकू ओड़ाः अते एटाः एटाः देसकू सेनता अरू बेगर बिसवासी होड़कू अते तोनोंग इयाःआ संघरा ओरोकू गोःतेरा।