मूक चेलाकू 5:3 - Korwa Bible

³ दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?

मूक चेलाकू 5:3 Referans Kwoze

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

मूक चेलाकू 5:9

दो पतरस कतातेरा, “करा उड़ी अबा बना होड़किन मिनीयानखन परबूराः बिरुवाबा अंदजावतना? ञेलमे! आम हेरेलकू तीलकेरा, हँकुःआ होड़कू दुवार कुटीरे चड़ाँत इदानकुःआ अरू हँकू आम हों बाहरीकू गोःमेता।”

एहुना 13:27

जूदा डुंडीगतो रुटीय जोमतेरा दो ईसू हाँय एचेरेय कतातेरा, “दूमे! आम एएचे लगा इदा, हना नुनुँहूम एचेय।” हननमेला कलउ हाँय एचेरेय समसावनेना।

एहुना 13:2

सिमोनरीग बेटात जूदा इसकरियोतीराः जीवरे ईसू एचे साब लगा मड़ंगते कलउ ओंगोले सोलोंग दोहोतेरा। दो ईसू अरू चेलाकूतेन बियाड़ीकू जोम मेला,

एकूब 4:7

हनालगा अपे भगवानराः आड़रेपे दोहोन। कलउ अपे जीवरे हातपातगे लगा दोंग अहापे एमेवाय। दो हाँय अपे अतेय ञीर जुवाःता।

मूक चेलाकू 5:4

नाःआ कियारी अकिरिंग अते मड़ंग आमराः दोहोना अरू अकिरिंगतेड तयोमरे ढिबुवा अनमराः दोहोना। दो आम चिला ओंगोलते नाःआ इयाम एचेकेरा? आम होड़कू एचेरे मेरेम लबरागडा, मनदो भगवान एचेरेम लबराकिया।”

मूक चेलाकू 5:2

अरू हनानियाह अदोम ढिबुवा अँननकिन लगाय हिगारतेरा अरू बनसावतो ढिबुवा मूक चेलाकू एचेरेय जिमागोतेड। नाःआ कता हाँयग अइमी होंय सुसुदीःआ।

लूका 22:3

हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोतीराः जीवरे कलउ समसावयान।

मती ओजाःतेरा भगवानराः नपाय सरवन 13:19

भगवानराः राइज बदीराः सरवन अयूमकेडखन मेरेय बुझाःता हाँय, दूर धरीरे लोजोरनेना हना बिहान इयायीग होड़ हवे। अरू हाँय अयूमतेरा हना सरवन कलउ वेगवाडखने गोःयाता।