मूक चेलाकू 5:19 - Korwa Bible

¹⁹ मनदो रइत मेला परबू भगवानरीग बराहील हना जेहेलराः दुवारकूने गीगतेरा अरू हँकू बहरी उडुंग अगूतेडकूखन

मूक चेलाकू 5:19 Referans Kwoze

मूक चेलाकू 16:26

दो असाका हना ततेरराः ओत डोलावनेना अरू जेहेलराः नेव हों हिलावयान। हनमेला जेहेलराः जमा दुवारकून गीगयान अरू जमा होड़कूराः सिकिड़ी हों लड़ायान।

मूक चेलाकू 27:23

ईंग सेवागेयतना ईंगरीग मालिक भगवान हाँयरीग बराहील तिसिंग रइत ईंग एचेरे वेगनेनखने कताकेरा,

मूक चेलाकू 8:26

मी दिन परबू भगवानरीग बराहील पिलिप एचेरेय कतातेरा, “सपड़ाःमे अरू एरुसलेम अते गासा सहर वरी सेनता हना दूरते दखिन अगीम सेन।”

मती ओजाःतेरा भगवानराः नपाय सरवन 1:20

दो उसूप नाःआ इयाय ओंगोल दोहोतेरा दो, परबू भगवानरीग बराहील सपनारे हाँय एचेरे एचे ञेलनेनखने कताया, “ने दाऊदरीग नइड़-बाँस होड़ उसूप, सुनुद बिरुवाते मरियम भरी-पावकिया। हनालगा हाँय आम अइमी बड़ाँः अते अहम बोर।

लूका 1:11

हनमेला जकरिया असाका परबू भगवानरीग बराहीले ञेलतेरा। हाँयग बराहील, भगवान लगा सकलाकू बालता हना उसूल धामराः खउना अगीय चड़ाँयान।

मती ओजाःतेरा भगवानराः नपाय सरवन 1:24

उसूप बेरेडनेनखन परबू भगवानरीग बराहील हाँय एचेरेय कतातेरा, हनन इयाय एचेतेरा। हनानाः वरीते उसूप मरियम आँयग एचेरेय अगूतिरिया।

मती ओजाःतेरा भगवानराः नपाय सरवन 2:13

हँकुःआ कनहूनदारकू कुदायान, हना तयोमरे परबू भगवानरीग बराहील सपनारे उसूप एचेरे सेनेडखने कताया, “रिमुःमे, लँइग अरू एंगात गोःकेडखन मिसिरी देस अगीम ञीर। हरदोस राजा लँइग ञेड गोजेय लगाय ओंगलेतना। हनालगा ईंग आम एचेरेयिंग कतायता हना बेला वरी हंडाम दोहोन।”

मती ओजाःतेरा भगवानराः नपाय सरवन 2:19

तोनोंग बरिस तयोमरे हरदोस राजा गोएगनेना। हनते परबू भगवानरीग बराहील मिसिरी देसरे उसूप एचेरे मीटोंग सपनारेय कतातेरा,

मती ओजाःतेरा भगवानराः नपाय सरवन 28:2

दो ओहेन हंडा ओत मुरुक डोलाःआ अरू सेरमो देस अते परबू भगवानरीग बराहील मड़गट अगीय उतराव वेजेडा। अरू हना मरंग दिरि, दुवारते कोलोंग चलाःतेडखन हना दिरि चोटरेय दुड़ुःयान।

लूका 2:9

हनमेला सेरमो देसरीग बराहील हँकू एचेरे असाकाय एचे ञेलयान। भगवानराः मरसल हँकूराः चइरो गतर विड़चेड़नेना अरू हँकू मुरुककू बोरोयान।

मूक चेलाकू 10:3

दो मी दिन ढड़काः बेला हाँय मीटोंग दरसने ञेलतेरा। हाँय मी होड़ सेरमो देसरीग बराहीले ञेलतेरा अरू हाँयग बराहील, हाँय एचेरे वेगवाडखने कताया, “ने कुरनेलियूस!”

मूक चेलाकू 12:23

हरदोस भगवान मेरेय जागगाड, दो ओहेन परबू भगवानरीग बराहील हाँये ञेड कसड़तिरिया अरू पिलवाकू हाँयकू जोम गोएगतेरा।