मूक चेलाकू 5:16 - Korwa Bible

¹⁶ एरुसलेम अते लेसानाः सहरकूनरिकुःआ मुरुक होड़कू अँकूरिकुःआ हसूत होड़कू अरू भूतकू समसावतेडकुःआ हँकुःआ होड़कू होंकू अगूतेरा अरू जमा होड़कू नपाययना।

मूक चेलाकू 5:16 Referans Kwoze

एकूब 5:16

हनालगा अपे अँननपे अपेराः कसूरकूनपे कबुलाव होड़ेंग अरू अरजी होड़ेंगपे, जेमहा अपे नपाय जुवाः। बेगर गारबार होड़कूराः अरजी जंगरते दोहोनता अरू हानते नफा होनोया जुवाःता।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

लूका 9:11

होड़कू सुदीगोतेड ईसू करा अगी तोराया हना, अरू हाँय अगीकू तजाःयान। अरू ईसू सुदा बहालतेकू जुमावयान। दो हाँय हँकू एचेरे भगवानराः राइज बदीरेय कता उदुःगेःआ अरू हाँय एचेरेकू वेजेडा, हँकुःआ बेमरियाकू जमाकूय नपायतेरा।

लूका 5:17

मी दिन ईसू मीटोंग ओड़ाः पेंदारेय चेचेडा। दो एरुसलेम सहर अते, गलील छतर अरू एहूदिया राइजराः जमा गाँव अते फरीसी होड़कू अरू नियम चेडदार होड़कू हों हना ओड़ाःरेकू दुड़ुःकुःआ। हनमेला होड़कू नपायकू लगा भगवानराः जंगर ईसू एचेरे दोहोना।

मती ओजाःतेरा भगवानराः नपाय सरवन 8:16

सिंगाड़ मेला होड़कू, भूतकू समसावनेना हँकुःआ मुरुक बगरा होड़कू ईसू एचेरेकू अगूतेडकुःआ। अरू हँकुःआ भूतकू ईसू कनाता कतारेय उडुंगगोतेडकू। हाँय हसूत होड़कू होंय नपायगोतेड।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

1 कुरिंती 12:9

तोनोंग तोनोंग होड़कू बिसवासगे लगा अरू एटाः होड़कू बेमरिया अते होड़कू नपायकू लगा सुद बिरुवा दहिन एमेवाकूता।

मती ओजाःतेरा भगवानराः नपाय सरवन 2:16

तयोमरे हरदोस राजा सुदीगोतेडे, “हँकुःआ कनहूनदार होड़कू ईंगकू अडिगकेरा।” दो हरदोस राजा मुरुके रीसनेन अरू हाँय आँयगरिकुःआ होड़कू बेतलेहेमरेय वारगोतेडकू। हाँय कनहूनदारकू अतेय सुदीतेरा हना बेला इया बेतलहेम सहररिकुःआ बार बरिस अते हुडिंग हुडिंग जमा हेरेल होनकूय एचे ञेड एंडा गोतेडकू।

मूक चेलाकू 5:15

मूक चेलाकूराः बयाव जुवाः इयाःआ बुताकून अते होड़कू अँननकूरिकुःआ बेमरियाकू दूर संडक गतररेकू अगूतेडकुःआ अरू होनोयाःकून करे पतरस हना दूर सेन होले हाँयराः उंबूल हँकू एचेरे पराः लगा खटी अरू पटियारेकू एचे गेतेगकेकुःआकू।

मूक चेलाकू 5:17

हनते मूक पुजउरी अरू आँयग सुदाकू दोहोना हँकुःआ सदूकी गउदारिकुःआ होड़कू, मूक चेलाकू मुरुककू इरावाकुःआ।

लूका 6:18

हँकू ईसूराः बड़रा अयुमे लगा अरू बेमारीते नपायगुः लगा ईसू एचेरेकू वेजेडा। भूतकू ससताकुःआ हँकुःआ होड़कू ईसू नपायतेडकुःआ।