मूक चेलाकू 4:27 - Korwa Bible

²⁷ सनातायरे हरदोस राजा अरू एहूदिया छतररीग मरंग हातपात होड़ पुंतियूस पिलातूस, बेगर एहूदाकू अरू नाःआ सहर एरुसलेमरिकुःआ इसराएल होड़कू सुदा जुमावनेनखन आम सुनावतेरा आमरीग सुद सेवादार ईसू, एचे ञेड गोएगगेय लगाकू ओंगोलतेरा।

मूक चेलाकू 4:27 Referans Kwoze

मती ओजाःतेरा भगवानराः नपाय सरवन 27:2

हनते हँकू ईसूकू एचे तोलतिरिया अरू एहूदिया छतररीग मरंग हातपात होड़ पिलातूस एचेरेकू गोःतिरिया।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

लूका 9:22

अरू हाँय कताया, “मनुवारीग बेटाके मुरुक कटसिया ससहाव पराःता अरू एहूदा मूक होड़कू, मरंग पुजउरीकू अरू नियम चेडदार होड़कू आड-बेकारवडिगखन हाँयकू एचे ञेड एंडागींता। मनदो हाँय पेय दिनरेय जियाव रिमुःता।”

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

मूक चेलाकू 2:27

आम ईंगराः बिरुवा पतालपूररे ओरोम अड़ाः एंडातेरा, अरू आमरीग सुद होड़ सेयाः लगा ओरोम एमेवातिरिया।

एहुना 19:34

मनदो सइना होड़कू अते मी होड़ ईसूराः पंजररे खरदातेय सोबोःगोतेडीग अरू हननमेला बलंगी अरू दाः उडुंगनेना।

एहुना 18:28

हनते एहूदा होड़कूरिकुःआ मूक होड़कू ईसू कइपाराः ओड़ाः अते रूमी देसरीग हातपात होड़ पिलातूसराः गड़हीरे अंगुः बेलाकू गोःतिरिया। हँकू, छेप जुवाःताबू, माःआनते गड़हीरे मेरकू बोलोगान, जेमहा हँकू पसहा परोबकू मनाव अवेन।

एहुना 10:36

अरू अपांग भगवान आँयगराः बुता बुता लगा ईंगे सुनावकिडिंगखन नाःआ चउंदीसरेय वारकिरिंगा। दो ईंग बदीरे अपे चेले माःआनपे कतायता? ईंग भगवानरीग बेटा हवे, माःआनिंग कतायतान दो अपे चिला लगापे कतायता, आम भगवानमे ओपताता, माःआन?

एहुना 1:11

हाँय अनँयगरिकुःआ निकता होड़कू एचेरेय वेजेडा, मनदो हँकुःआ होड़कू हाँय मेरकू मनेवागडीग।

लूका 22:63

ईसूकू साबकाःआ हँकुःआ होड़कू हाँय लंदावाय घड़ीनकू ञेंडेया।

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

लूका 1:35

सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता।

मरकूस 15:31

नान इया पुजउरीकूरिकुःआ मूक होड़कू, नियम चेडदार होड़कू सुदा अँननकू अँकू लंदा घड़ीनकू कताया, “नाँय एटाः होड़कूय बनसावतेरा, मनदो अनँयग आँयगते मेरेय बनसाव अवेनतना।

मरकूस 10:33

“अबू एरुसलेमबू सेनतना। मरंग पुजउरीकू अरू नियम चेडदार होड़कू तिःईरे मनुवारीग बेटातकू एचे सबेयता। हनते हँकुःआ होड़कू ञेड एंडागेय लगा जाःकिरिगखन बेगर एहूदाकू एचेरेकू जिमागेयता।

मती ओजाःतेरा भगवानराः नपाय सरवन 23:37

ने एरुसलेम मरंग सहररिकुःआ होड़कू, अपे भगवानराः बड़रा कता होड़कूपे ञेड एंडाता अरू भगवान अपे एचेरेय वारतेडकुःआ हँकुःआ होड़कू दिरितेपे ञेडतेडकुःआ। ईंग मुरुक तुरहा सिम अनँयग होनकूय बुरुमता हना इया बनसावपे लगायिंग ओंगलेःआ। मनदो अपे ईंग हना इया एचे लगा मेरपे एमेवागाडिंग।

मती ओजाःतेरा भगवानराः नपाय सरवन 21:28

“अपे चेले माःआनपे ओंगलेता? मी होड़रिकिनाः बार होड़ बेटाकिन दोहोना। अपात मरंगीग बेटात एचेरेय कतातेरा, ने बाबू, तिसिंग आम अंगूर बगइचारे सेनेकियानखनमे बुता।

मती ओजाःतेरा भगवानराः नपाय सरवन 14:1

हनमेला गलील छतररीग हातपात होड़ हरदोस ईसू बदीरेय अयूमतेरा,

मती ओजाःतेरा भगवानराः नपाय सरवन 14:3

मड़ंगरे हरदोस अनँयग वगात पिलिपूसरीग अइमी हेरोदियास अनँयग अइमीय बड़ाँवगोतेडीग।

मती ओजाःतेरा भगवानराः नपाय सरवन 14:6

दो हरदोस अनँयगराः जनम दिन मनाः लगा मुरुक होड़कूय राःतेरा। हनमेला हेरोदियासरीग बिटी जमा होड़कू मड़ंगरेय सूना अरू हरदोसे सून बहालगोतेडीग।

लूका 23:1

हनते मरंग पंचाइतरिकुःआ जमा होड़कू रेमनेनखन रूमी सरकाररीग हातपात होड़ पिलातूस एचेरे ईसूकू गोःयाड।

एहुना 18:29

दो पिलातूस हँकू एचेरे बहरी उडुंगनेनखने होंबरेःआ, “अपे नाँयग होड़ चेले माःआनपे बदीगेयतना?”