मूक चेलाकू 4:13 - Korwa Bible

¹³ दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

मूक चेलाकू 4:13 Referans Kwoze

1 कुरिंती 1:27

मनदो भगवान कनहूनदारकू एचे गियू लगा चउंदीसरिकुःआ बेगर कनहूनदारकूय सुनावकेरा। अरू जंगरदारकू एचे गियू लगा भगवान सतवास होड़कूय सुनावकेरा।

एहुना 7:15

दो एहूदा मूक होड़कू बयावनेनखनकू कताया, “नाँयग होड़ तोनोंगीग गुरुजी अते मेरेय चेडगना दो, नाँय नाःआमिन करा इयाय सुदीकेरा?”

मती ओजाःतेरा भगवानराः नपाय सरवन 11:25

दो हनमेला ईसू कतातेरा, “ने सेरमो देस अरू चउंदीसरीग मालिक, ईंगरीग अपांग भगवान, ईंग आमिंग धनियाबादतना। आम नाःआ कताकून, कनहूनदारकू अरू सुदीदारकू अतेम ओकोतेरा अरू लइंकू इया होड़कू एचेरेम उदुःकेरा।

मती ओजाःतेरा भगवानराः नपाय सरवन 26:73

तोनोंगखन तयोमरे हंडा चड़ाँःत होड़कू पतरस एचेरे सेनेडखनकू कतातेरा, “सतायरे आम हों हँकुःआ होड़कू अते मी होड़ हवे। आमराः बड़रातेले सुसुदीतना।”

एहुना 7:49

मनदो भगवानराः नियम बदीरे मेरकू सुदीयता, हँकुःआ बोया होड़कू हाँय एचेरेकू बिसवासकेरा अरू हँकू सती-सरापतो इदानकुःआ।”

लूका 22:8

ईसू, पतरस अरू एहुना नाःआ इया कतावातेडखने वारतेडकिना, “अबा सेनेवाडखन पसहा परोबरे अबू जोम लगा सरबहा हतड़ेबा।”

मती ओजाःतेरा भगवानराः नपाय सरवन 26:71

हनते हाँय राच दुवार बहरी होरे सेनेडा। हंडा एटाः मी होड़ धंगड़ी हाँय ञेलतेडखन हंडा चड़ाँत होड़कू एचेरेय कताया, “नाँयग होड़ हों नसरतरीग ईसू सुदाय दोहोना।”

एहुना 19:26

ईसू आँयग एंगात अरू आँयग दुलारगेया हाँयग चेला सुदा चड़ाँत ञेलतेडकिनखन एंगात एचेरेय कतातेरा, “ने अया, ञेलेयमे, ननाँय हवे आमरीग बेटा।”

मूक चेलाकू 4:14

मनदो नपायनेना हाँयग होड़, हँकिन सुदा चड़ाँतोकू ञेलतिरिया दो हँकू तोनोंग इया मेरकू कता अवेगाड।

मूक चेलाकू 4:19

मनदो पतरस अरू एहुना कता कुदातेरा, “अपे अँननपे अपे फड़ियावगे। भगवानराः कता अते अपेराः कता बगरालिंग मनाः दो हना भगवान मड़ंगरे नपाय इदा जा?

मूक चेलाकू 4:29

दो परबू, नुँहू हँकूराः हुड़कावमे अयूम अरू अले आमरिकुःआ सेवकिया होड़कू, मुरुक डीड़ते आमराः सरवन कता उदुः लगाम संघरावाले।

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।

मूक चेलाकू 9:27

दो बरनाबास साहूले संघरावातेरा अरू ईसूरिकुःआ मूक चेलाकू एचेरेय अगूतिरिया। हाँय हँकू एचेरेय कतातेरा, “नाँयग साहूल दूररे ईसूय ञेलतेरा अरू परबू नाँय सुदाय बड़रानेना। हना तयोमरे दिमसकूस सहररे बेगर बोतोरते होड़कू एचेरे ईसूराः बदीरेय परसार उदुःतेरा।”

मूक चेलाकू 9:28

हनते साहूल एरुसलेमरिकुःआ जमा बिसवासी होड़कू सुदा हेल-मेलतोय दोहोना अरू हाँय बेगर बोरते परबू ईसूराः बदीरे होड़कू एचेरेय परसार उदुःतेरा।

1 कुरिंती 14:25

भगवान हँकूराः ओकोत ओंगोलकूने एचे सुदीकूता अरू हँकू टोबोः भरसारेकू उकुड़ोमगुःता अरू भगवान जाग घड़ीनकू कतायता, सतायरे भगवान अपे तलारे इदानिया, माःआन।

2 कुरिंती 3:12

दो अले एचेरे नाःआ इयाःआ नाय नपाय असरा इदान अते डीड़कियानखनले कतायता।