मूक चेलाकू 3:22 - Korwa Bible

²² मोसेस हनाँयग बदीरेय कतातेरा, आमरीग परबू भगवान अपे लगा ईंग इया मी होड़ होड़ भगवानराः बड़रा कतायीग होड़ अपे तलारेतेय वारेयता। दो हाँय चिन चिलाय कतायता हना जमाकूनपे मनाः।

मूक चेलाकू 3:22 Referans Kwoze

मूक चेलाकू 7:37

ईंग इया मी होड़ भगवानराः बड़रा कतायीग होड़ अपे अँननपे होड़कू लगा भगवान वारेयता, माःआन इसराएल होड़कू एचेरेय कतातेरा हाँयग होड़ ननाँयग मोसेस हवे।

गलातिया 4:4

मनदो भगवान तोल दोहोतेरा हना बेलारे हाँय अनँयग बेटात नाःआ चउंदीसरेय वारतिरिया अरू हाँय मी होड़ अइमी एचेरेय जनमावनेना अरू नियम मनाः घड़ीने दोहोना।

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

इबरानी 5:9

अरू हाँय उडु-बुडूत होड़ बड़ाँवकियानखन हुकुमकू मनाःता हँकुःआ होड़कू सगर सइट लगाय सडाव अवेकूता,

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

उदुःतो कताकून 1:1

ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।

रूमी 9:5

इबराहीम, इसहाक अरू एकूब हँकूरिकुःआ खुटिपरिया होड़कू हवे अरू जमाकूरीग भगवान ईसू मसी होड़राः सुरइत मुरइतरे, हँकूरीग नइड़-बाँस होड़तेय जनमावनेना। सगर सइट होड़कू हाँयकू जागगोड ञवन। आमीन!

एहुना 12:46

ईंग चउंदीसरे मरसल इयायिंग वेगकिया अरू ईंग एचेरेय बिसवासगे हाँय, अंदरारे ओरोय दोहोनेना।

रूमी 8:3

दो अबू मोसेसराः नियमकून जमालेःआ मनाः लगाबू कुरनिसगे। हनते हों अबूराः कसूर लूर-नेवन मेर टुटीगगुःता। मनदो भगवान अबूय सडाव अवेता। हनालगा जमा होड़कूराः कसूर बराव एंडागे लगा, हाँय अनँयगरीग मिनी होड़ बेटात ईसू मसी, कसूरतो मनुवाराः सुरइत मुरइतरे, नाःआ चउंदीसरेय वारगोतेडीग। हनते हाँय जमाकूराः कसूर लगा डंडियावतेडखन ईसूय एचे बलिदानगोतेडीग।

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

लूका 24:19

दो ईसू होंबरेया, “चिन चिला कता हंडा होयानेना?” हँकिन ईसू एचेरेकिन कताया, “नसरेतरीग ईसू, भगवानराः बड़रा कतायीग होड़ दोहोना अरू हाँय भगवान अरू होड़कू मड़ंगरे मुरुक जंगरते भगवानराः बड़राय कताःआ अरू बुताय एचेःआ।

लूका 13:33

तोनोंगीग भगवानराः बड़रा कता होड़ एरुसलेमराः बहरी ओरोकू ञेड एंडा अवेतिरिया। हनालगा ईंग तिसिंग, गपा अरू मियांग सेनेनेगोड ञवनतिंग।”

इबरानी 2:1

हनालगा अबू अयूमकेरा हना कताकून मुरुक तिंगीड घड़ीन अबूके मनाः लगा इदा, जेमहा अबू अलोबू बहकावगुः।

मती ओजाःतेरा भगवानराः नपाय सरवन 21:11

दो हाँय सुदाकू सेनेडा हँकुःआ होड़कू कतातेड, “नाँय गलील छतरराः नसरत सहर अतेय वेगकिया हाँयग भगवानराः बड़रा कतायीग होड़ ईसू हवे।”