20 अरू हाँय अपे लगा आँयग सुनावतो मसी, ईसूय वारगोडता।
ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!
कसूर रबूद होड़ एचे ञिलुःता। मनदो परबू ईसू ओंगकेडखन हाँयग रबूद होड़े ञेड एंडागोडेयता अरू परबू हितकाःतो सेंगेलरेय वेगतान अते हाँय लाय जुवाःता।
भगवानराः बड़रा कता होड़कूराः कताते सहे एटाः तोनोंगाः बड़राते सहे अले ञावते तोनोंगीग ओजाःतेरा हना चिठीते तोनोंगीग होड़ अपे एचेरेय कतायता, ईसू मसी कुदा वेगकिया, माःआन। दो हना बड़राते अपेराः जीव ओहेन अहापे कुंभलावगे अरू अहापे बयावगुः।
जमा होड़कू ईसूराः हना बड़राकू अअयूमा। हनमेला हँकुःआ होड़कू एरुसलेम सहरकू सुदुरुःआ अरू हँकू ओंगलेःआ, नुँहू भगवानराः राइज अले तलारे भाय ञिलुःता, माःआन। हँकूराः ओंगोल सुदीतेडखन ईसू हँकू एचेरे मीटोंग अउल-तउल कहड़ीय कतातेरा,
हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।
अरू आँयगरीग सुनावतो होड़ते, चउंदीसरिकुःआ जमा होड़कू सतायते फड़ियावकू लगा, भगवान मीटोंग दिने तोल दोहोकेरा। हाँयग सुनावतो होड़, भगवान गोएगतो होड़कू अते जियाव रेमकिडिगखन, नाःआ कता सताय हवे माःआन जमा होड़कूय उदुःवारा।”
हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।
हनमेला जमा होड़कू मनुवारीग बेटात, मुरुक जंगर अरू मरसलते बदरीरेय वेगतोकू ञेलेयता।
हनते ईसू जइतून पहाड़रेय दुड़ुःकुःआ। हनमेला हाँयरिकुःआ चेलाकू हाँय एचेरे एकला सेनेवाडखनकू होंबोरतिरिया, “ने गुरुजी आम उदुःवालेमे, नाःआ कता तुमिस होयाःता? आमराः कुदा वेग अरू चउंदीस टुटीगगुःराः चिनहा करा इया दोहोनता?”
मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।
हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,
भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।
