मूक चेलाकू 3:17 - Korwa Bible

¹⁷ दो अजी बोपोहकूतिंग, ईंग सुदीयतना अपे अनसिनहारते अपेरिकुःआ मूक होड़कू इया ईसू ञेड गोजेय लगापे रायनेना।

मूक चेलाकू 3:17 Referans Kwoze

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

मूक चेलाकू 13:27

अरू एरुसलेमरेकू दोहोना हँकुःआ होड़कू अरू अँकूरिकुःआ मूक होड़कू ईसू, मसी हवे माःआन, मेरकू मनेवागडीग, अरू हँकू हाँयकू डंडियावतेरा दो, हँकू अरजी ओड़ाःरे लोड़ोनराः दिनरेकू बछाःता भगवानराः बड़रा कता होड़कूराः कताकू पूरावगोतेड।

1 कुरिंती 2:8

नाःआ चउंदीसरिकुःआ मूक होड़कू तोनोंगीग नाःआ कनहून मेरकू बुझाव अवेगान। हँकू बुझावकुः दो मान मरजइतगे इयायीग परबू कुरूसरे ओरोकू ठोंकाव गोएगकेया।

एहुना 16:3

हँकू ईंग अरू ईंग अपांग मेरकू सुदीयतना। हनालगा हँकू अपे एचेरे नाःआ इयाकू एचेयता।

1 तिमुतियूस 1:13

मड़ंग ईंग ईसू मसी बदीरे ओपता बड़रायिंग कताया अरू बिसवासी होड़कूयिंग संतावकुःआ अरू मरखा होड़िंग दोहोना। हनमेला ईसू एचेरे मेरिंग बिसवासगेःआ अरू अनसिनहारिंग दोहोना। हनालगा ईसू ईंग मुरुके सोगावाडिंगा।

2 कुरिंती 3:14

हँकूराः जीव केटेगयना अरू हँकू जुना कता-जमकावतोकू बछाःतान मेला हँकूराः इंदरी हों पनाता रेडतो इया दोहो जुवाःता। मनदो इनीसू मसी सुदाबू मिनी जुवाः दो, पता रेडतो इदा हना, भगवान चलाः एंडागोडताय।

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

मूक चेलाकू 26:9

नसरतरीग ईसूराः ञावकू गोःता हँकुःआ होड़कू बदीतेडखन जेमिनिंग एचे अवेयता हनामिन एचेय लगायिंग ओंगोल दोहोबाःकातेरिंगा।

मूक चेलाकू 7:40

अरू हँकू मोसेसरीग वगात हारून एचेरेकू कतातेरा, अले अगुवाइवाले लगा मुरतीकूनमे तुला। हाँयग मोसेस अबू मिसिरी देस अते एचे उडुंग अगुःबुःआ, मनदो नुँहू हाँय लगा चिला होयायना, हना अले मेरले सुदीयतना।

एहुना 7:52

दो हँकू डंटावतिडिगखनकू कतातेरा, “आम हों गलील छतररीग हवे जा? आम भगवानराः कगदरेम ञाम अरूम सुदीगोडता तोनोंगीग भगवानराः बड़रा कता होड़ गलील छतर अते मेरेय वेगता, माःआन।”

पिलिपी 1:22

ईंग जिनियतिंग दोहोन दो परबू लगा नपाय सेवायिंग सेवा अवेता। ओहरे! ईंग मेरिंग सुसुदीतना ईंग लगा चिला नपाय दोहोनता, ईंग गोएग जुवाः जा जीयतिंग दोहोन?

लूका 23:13

हनते पिलातूस मरंग पुजउरीकू अरू हातपात होड़कू अरू एटाः होड़कू राः जुमावतेडखने कतातेरा,

एहुना 15:21

हँकुःआ होड़कू ईंगे वारकेरा हाँय मेरकू सुदीगेयता। अपे ईंगरिकुःआ हवे। हनालगा हँकू अपे सुदा नाःआ जमाकूनकू एचेयता।

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मूक चेलाकू 28:21

दो हँकू कतातेड, “आम बदीरे एहूदिया छतर अते तोनोंगाः सरवन अले एचेरे मेर सोदोरगना सहे हंडा अतेकू वेजेडा हँकुःआ होड़कू हों आम बदीरे तोनोंगाः बेलूर कता मेरकू कतागाड।

इपीसी 4:18

हँकू तोनोंगाः मेरकू बुझाःता अरू डोंडोले डोंडो इदानकुःआ अरू हँकू केटेग जीव होड़कू इदानकुःआ। हनालगा हँकू भगवान मेरकू सुदी अवेयता अरू हाँय अते एनेटाःरे इदानकुःआ।