मूक चेलाकू 28:7 - Korwa Bible

⁷ हना ततेरराः अरी-धरीरे हना डुगुरीग मरंग हातपात होड़ पुबुलियूसराः मुरुक दोहोड़कून दोहोना। दो हाँय अले अनँयग ओड़ाःरे गोःतेडलेखन पेय दिने गुतियातेडलेःआ।

मूक चेलाकू 28:7 Referans Kwoze

मूक चेलाकू 28:2

हंडाकुःआ होड़कू अले सुदा अले मेरले ओंगोलगाड हना इया नपायतेकू मयावातेडलेःआ। हनमेला मुरुक ररंग दोहोना अरू दाः उयुःआ। हनालगा हँकू सेंगेलकू जगारतेडखन अले जमाकूकू नेत-नेवारतेरा।

मूक चेलाकू 23:24

एहूदिया राइजरीग मरंग हातपात होड़ पेलिकस एचेरे पउलूस नपायतेय सेने सुदुरुः लगा घोड़ापे सपड़ावका।”

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 13:7

हाँय हना डुगुराः मरंगीग हातपात होड़ सिरगियूस पउलूसरीग सउंगताय दोहोना। हाँयग मरंगीग हातपात होड़ मुरुक कनहूनदार होड़े दोहोना अरू हाँय बरनाबास अरू साहूल अते भगवानराः सरवन अयूम लगा हँकिने एचे राःतेरा।

मूक चेलाकू 28:6

हँकुःआ होड़कू ओंगलेःआ, नाँय ओ जुवाःता सहे अनँयग आँयगतेय कसड़ गोएग जुवाःता, माःआन। मनदो हँकू मुरुक घड़ी वरीकू ञेलगोड ञवना अरू हाँयके तोनोंग इयाःआ हनी मेर होयागान। दो हँकू अँकूराः ओंगोल बदलावनेनखनकू कतातेरा, नाँय दो तोनोंगीग देवता हवे, माःआन।

मूक चेलाकू 28:8

हाँयरीग अपात जार अरू दोंगे कुकुनटेडते हसूरेय दोहोना। दो पउलूस हाँय एचेरे सेनेकियानखने अरजीवातेरिया अरू हाँय चोटरे तिःई खेपातेड दो हाँय अँड़ेयाने।

1 तिमुतियूस 5:10

हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

इबरानी 13:2

मुरुक होड़कू बेगर सुदीते सेरमो देसरिकुःआ बराहीलकूकू नेत-नेवारकेरा। हनालगा अनसिनहार होड़कू नेत-नेवारकू लगा अलोपे अड़गे।