मूक चेलाकू 27:24 - Korwa Bible

²⁴ ने पउलूस, अहम बोर। आम कइसर मरंग राजाराः मड़ंगरे फड़ियाव लगा चनाँड़न इदा। आम सुदाकू सलाःतना, हँकुःआ जमा होड़कू भगवान आमे जिमावारा, माःआन।

मूक चेलाकू 27:24 Referans Kwoze

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

एकूब 5:16

हनालगा अपे अँननपे अपेराः कसूरकूनपे कबुलाव होड़ेंग अरू अरजी होड़ेंगपे, जेमहा अपे नपाय जुवाः। बेगर गारबार होड़कूराः अरजी जंगरते दोहोनता अरू हानते नफा होनोया जुवाःता।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

उदुःतो कताकून 1:17

ईंग हाँयिंग ञेलतेड दो, हाँय काट कुटीरे गोएगतो इयायिंग लेबदायान। मनदो हाँय आँयगराः खउना तिःई ईंग बोःरेय खेपातेडखने कतातेरा, “अलोम बोर। मनाड़ंगते इदानिंगा अरू टुटीग वरीयिंग दोनोहोनता। ईंग जिनियत इदानिंगा।

मूक चेलाकू 27:37

(जहाजरे अले जमाकू बार सव सतरगोटोंग होड़कूले दोहोना।)

मूक चेलाकू 27:44

अरू एटाः होड़कू पटरारे अरू जहाजराः टोटाःतो जिनिसकूनराः भरसातेपे उडुंग जुवाः।” नाःआ इया अले जमाकू ओतरेले बनसाव उडुंगनेना।

मूक चेलाकू 25:11

गुजुः इयाःआ तोनोंगाः गारबारिंग एचेकेरा दो गुजुः अते बनसाः लगा मेरिंग चहाःतना। मनदो नँकू ईंगकू जाःतना हना कताकून अते तोनोंगाः कता सताय मेर दोहोना दो तोनोंगीग ईंग हँकू तिःईरे ओरोकू जिमा अवेतिरिंगा। दो नुँहू कनइसर मरंग राजा ईंग फड़ियावगींग लगायिंग असेयतना।”

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

एहुना 11:9

दो ईसू कतातेरा, “दिनरे बारह घंटा होयाःता। दिनरेय सेनता हाँयग होड़, बेरराः मरसलतेय ञेलता। हनालगा हाँय मेरेय तोहोडगुःता।

मती ओजाःतेरा भगवानराः नपाय सरवन 10:18

अरू ईंग ञाव बदीरे राजाकू अरू हातपात होड़कू मड़ंगरे अपेकू ओर गोःयाता। हनमेला अपे हँकू एचेरे अरू बेगर एहूदाकू एचेरे ईंगराः हिदइतदारकूपे दोहोनता।

मूक चेलाकू 27:31

दो पउलूस, सइना होड़कूरीग हातपात होड़ अरू सइना होड़कू एचेरेय कतातेड, “नँकुःआ होड़कू जहाजरे मेरकू दोहोन दो अपे ओरोपे बनसाव अवेनेन।”

मूक चेलाकू 27:42

दो सइना होड़कू तोलतोकू दोहोना हँकुःआ होड़कू अते तोनोंगीग अहा पउराव उडुंगकेडखन ञीरगुः अते हँकू ञेड एंडाकू लगा बुइदकू तुलातेरा।

पिलेमोन 1:22

अरू मीटोंग बड़रा आम एचेरे ककाता इदा। आमराः ओड़ाःरे मी छिना ईंग लगाम जोः अमिंगका। ईंग असरातना, भगवान अपेराः अरजी अयूमवाडखन जेहेल अते एचे उडुंगकिडिंगखन आम एचेरेय सेने ओवायिंगता।