मूक चेलाकू 27:12 - Korwa Bible

¹² जहाजकूनकू रोंकावता हना ततेर ररंगराः बेला गुदराव लगा नपाय मेर दोहोगान, हनालगा जहाजरे दोहोना हँकुःआ होड़कू अते मुरुक होड़कू कताया, “अबू नाःआ ततेर अते सेन लगा इदा। दो अबू पिनीस सहरराः जहाजकूनकू रोंकावता हना ततेररे ररंग बेला अते मड़ंगरेबू सोदोर जुवाःता।” हना सहर करेत डुगुराः दखिन-पछिम अरू उतर-पछिम अगी दोहोना।

मूक चेलाकू 27:12 Referans Kwoze

मूक चेलाकू 27:8

अरू अले मुरुक सिकिसताते लसेया सहरराः लेसानाः सुबलंगबारी ञावराः ततेररेले सोदोरनेना।

मूक चेलाकू 2:11

एहूदाकू अरू एहूदा धरमरेकू बोलोयान हँकुःआ बेगर एहूदाकू, करेत डुगुरिकुःआ अरू अरब देसरिकुःआ होड़कू हों इदानबुःआ। मनदो नँकुःआ होड़कू भगवान एचेतेरा हना मरंग मरंग बुताकून अँननबू अबू भासीरेकू कतायतना हनाबू अयुमेतना।”

मूक चेलाकू 27:7

अले मुरुक दिन गते-गात सिकिसताते सलाव घड़ीन कनिदूस सहररेले सोदोरनेना। होयते अले मड़ंग अगी मेरले सेने अवेना। हनालगा अले सलमोन सहरराः लेनेसानते करेत डुगुराः ओधारेले सेना।

मूक चेलाकू 27:13

दखिन अगीते होय गुन लकन सलाःआ, दो हँकुःआ जहाज सलावदारकू ओंगोलतेड, अबूराः ओंगोल इया होयाःतना, माःआन। हनते हँकू हना लंगर जहाजरेकू रेमगोतेड अरू करेत डुगुराः धरी धरीकू सेना।

मूक चेलाकू 27:21

मुरुक दिन वरी तोनोंगीग तोनोंगाः मेरकू जोमगाड दो पउलूस हँकू तलारे चड़ाँनेनखने कताया, “ने वपक बोपोहकूतिंग, अपे मड़ंगरे ईंगराः कतापे मनावकुः अरू करेत अते जहाज मेरबू सलावकेःआ दो नाःआ कटसिया अरू टपसियारे ओरोबू परावकुःआ।

तितूस 1:5

ने बेटा, ईंग करेत डुगूरे आमिंग अटूतेडमेःआ, जेमहा कलसियाराः बुता मेरिंग चबा अवेगाड हना बुता चबागे लगा अरू ईंग कतावातेडमेःआ हनन इया, जमा सहरकूनराः कलसियारे अगुवा होड़कूम सुनावकू।

तितूस 1:12

करेत डुगुरीग मी होड़ मरंगीग सुधिया होड़ अँननकू बदीरेय कतातेरा, करेत डुगुरिकुःआ होड़कू सगर बेला लबरा बड़राकू बड़राता, अरू बेलूर पहाड़ जानरकू इया जोम असगतिया होड़कू इदानकुःआ।