मूक चेलाकू 26:22 - Korwa Bible

²² मनदो भगवान नुँहू वरी ईंगे बनसावकिडिंगा, अरू मरंग मरंग होड़कू अरू लचार होड़कू एचेरे हों हिदइतिंग उदुःगेतना। भगवानराः बड़रा कता होड़कू अरू मोसेस होंकू कता उदुःतेरा हना अड़ाःकेडखन कहिसाः मेरिंग कतायतना।

मूक चेलाकू 26:22 Referans Kwoze

मूक चेलाकू 24:14

मनदो ईंग नाःआ कता आम मड़ंगरेयिंग मनाव जुवाःतना, ईंग ईसूराः दूर इया, मोसेसराः नियमकून अरू भगवानराः बड़रा कता होड़कूराः कागदकूनरे ओजाःतो इदा हना जमाकून ईंग बिसवास घड़ीन अलेरिकुःआ खुटिपरिया होड़कूरीग भगवानिंग जागतना। नाःआ दूररिकुःआ होड़कू बदीरे नँकुःआ होड़कू गारबारतेःआ गउदा माःआनकू कतावातना।

एहुना 5:46

मोसेस ईंग बदीरेय ओजाःतेरा अरू अपे हाँय एचेरेपे बिसवासकेः दो, ईंग एचेरे होँपे बिसवासकेःआ।

मूक चेलाकू 10:43

हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

लूका 24:27

हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

उदुःतो कताकून 15:3

अरू भगवानरीग सेवकिया मोसेसराः सेरेंग अरू भेड़ा होनराः सेरेंगकू सेरेंगा, “ने अगम जंगरदार परबू भगवान, आमराः बुता मरंग अरू बयाव जुवाः इया इदा। ने जूग परिया वरीयीग राजा, आमराः दूर नपाय अरू सताय हवे।

रूमी 3:21

मनदो नुँहू भगवान आँयगराः ओंगोल इया बेगर गारबार होड़कूय बड़ाँवबू लगा, अनँयगराः दूर अबूय एचे उदुःवाता। अरू ननानाः कताकून भगवानराः बड़रा कता होड़कूराः कगदकूनरे अरू मोसेसराः नियमकूनरे हों उदुःवाबूता। मनदो अबू हना नियमकून मनाः लगाबू कुरनिसगे अते, बेगर गारबार होड़कू ओरोबू बड़ाँवनेना।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 26:17

अनमरिकुःआ एहूदाकू अते अरू बेगर एहूदाकू अते आमिंग बनसावगोड ञवनता अरू ईंग बेगर एहूदाकू एचेरेयिंग वारमेतना,

मूक चेलाकू 26:6

अरू भगवान अलेरिकुःआ खुटिपरिया होड़कू एचेरेय जबानतेरा हना असराराः बदीरे नुँहू ईंगकू फड़ियाव लगा नंडायिंग चड़ाँकिया।

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

एहुना 1:17

भगवानराः नियम मोसेसतेय एमेकेरा मनदो ईसू मसीते भगवान अबूय मयावारा अरू अनँयगराः सताय अबूय एचे उदुःवारा।

लूका 24:46

हाँय कताया, “भगवानराः कागदरे नाःआ इया ओजाःतो इदा, मसी कटसिया सहावकेडखने गुजुःता अरू पेय दिनरेय जियाव रिमुःता।

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।

उदुःतो कताकून 11:18

जमा जइत होड़कू रीसयना अरू आम रीस भीकयानमे। दो गोएगतो होड़कू फड़ियाव लगा नुँहू बेला सोदोरयना, आमरिकुःआ सेवकियाकू अरू आमराः बड़रा कता होड़कू, अरू आमरिकुःआ सुद होड़कू, अरू आम सुदा अकूसकू मनाःता हँकुःआ मरंग अरू हुडिंग होड़कू, हँकू इमानमे एमेवा लगा हों बेला सोदोरयना, अरू चउंदीसकू लायतना, हँकुःआ होड़कूम लाय एंडाकूता।”

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

मती ओजाःतेरा भगवानराः नपाय सरवन 26:24

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

मूक चेलाकू 13:29

हाँयराः बदीरे भगवानराः कागदरे ओजाःतो दोहोना हना जमाकून पुरावनेन दो, हँकू हाँय हना कुरूस अतेकू उतरावतिरिया, अरू लात मड़गटरेकू मंडावतिरिया।

1 कुरिंती 15:3

हनालगा ईंग चेडकिया हनानाः मनइद कता अपेयिंग चेडकेडपेःआ। भगवानराः कागदरे ओजाःतो इदा हनन इया ईसू मसी अबूराः कसूर लगाय गोएगनेना।

1 कुरिंती 15:4

हनते हाँयकू तीलगोतेड अरू भगवानराः कागदरे ओजाःतो इदा हनन इया पेनेय दिनरेय जियाव रेमकिया।