मूक चेलाकू 26:18 - Korwa Bible

¹⁸ जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

मूक चेलाकू 26:18 Referans Kwoze

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

इपीसी 1:18

नाःआते भगवान चिला असराय एमेवापे लगाय राःकेडपेःआ हना नपायतेपे सुदी अवेय अरू भगवानके आँयगरिकुःआ सुद होड़कू एचेरे तुमिनाः मरंग इताड इदा, हना होँपे सुदी अवेय।

इपीसी 5:8

मड़ंगरे अपेराः जीव अंदरारे दोहोना, मनदो नुँहू परबू अपेराः जीवे मरसलगोतेडा। हनालगा अपे भगवानराः मरसल पवावतो होड़कू इयापे जियाः।

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

एहुना 8:12

हनते ईसू होड़कू एचेरे अरूय कताया, “चउंदीसराः मरसल ईंग हवे। ईंग देहोरे वेगता हाँयग होड़ अंदरारे मेरेय सलाःता, मनदो हाँय जीव एमेता हना मरसले पवाःता।”

लूका 1:79

जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः, अरू अबू सलसतराः दूररे सलाः लगाय अगुवाइवाबू।”

इपीसी 4:18

हँकू तोनोंगाः मेरकू बुझाःता अरू डोंडोले डोंडो इदानकुःआ अरू हँकू केटेग जीव होड़कू इदानकुःआ। हनालगा हँकू भगवान मेरकू सुदी अवेयता अरू हाँय अते एनेटाःरे इदानकुःआ।

2 कुरिंती 6:14

खाप मेरकिन जोमता हँकिनाः बएलकिनते हाड़ मेर सी अवेनता। दो अपे हों बेगर बिसवासी होड़कू सुदा मेसाकियानखन खाप अलोपे जोम। गारबार होड़कू अरू बेगर गारबार होड़कूराः खाप जोमता जा? सहे मरसल अरू अंदरा मिनीरे खापगुःता जा?

2 कुरिंती 4:4

नाःआ चउंदीसरीग देवता, कलउ बेगर बिसवासी होड़कूराः जीवे अनंदरागोतेडा। ननानाः अते भगवानरीग सिरामइत मसी अगम मरंग इदानिया माःआन उदुःगेयता हना नपाय सरवनराः मरसल अँकू जीवरे मेरकू अटकार अवेयता।

1 एहुना 3:8

कलउ दो मनाड़ंग जूग वरीतेय कसूरगोड ञवानतना। नानलगा कसूरगेता हँकुःआ होड़कू कलउरिकुःआ होड़कू हवे। अरू भगवानरीग बेटात कलउराः जमा बुता लाय एनेंडागे लगा चउंदीसरेय वेजेडा।

मूक चेलाकू 2:38

दो पतरस कता कुदातेरा, “अपे कसूर अते जीवपे कुदा। अरू अपे जमा होड़कू ईसू मसीराः ञावते बतिसमापे गोः। दो अपेराः कसूर भगवान बराव एंडायता अरू भगवान अगीते सुद बिरुवापे पवाःता।

1 एहुना 5:19

अबू सुदीयतना अबू भगवानरिकुःआ लइंकू हवे अरू जमा चउंदीसरिकुःआ होड़कू बेलूर इदानिया हाँयराः आड़रे इदानकुःआ।

1 एहुना 1:9

भगवान सताय अरू बिसवासगेयीग इदानिया। नानाः लगा अबू भगवान एचेरे सेनेकियानखनबू बकाःता, ईंग कसूरकिरिंग, माःआन, दो हाँय अबूराः कसूरे बराव एंडागोडता अरू जमा बरानाः गारबार अबूराः जीव अतेय अमिंगगोडता।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

1 पतरस 2:25

मड़ंग अपे भेड़ाकू इया बेगर सरवाहातेपे दँड़ा हड़ाःआ, मनदो नुँहू अपे अपेरीग सरवाहा अरू तिहादार एचेरेपे कुदा वेगकिया।

इबरानी 11:6

बेगर बिसवासते अबू भगवान कहियो ओरोबू एचे ननाय अवेतिरिया। भगवान एचेरेकू सेनता हँकुःआ होड़कू भगवान इनीदानिया अरू हाँय जीवन-जाततेकू ञमेयता, हँकू लगा हाँय इमाने एनेमेयता, माःआन बिसवासगे लगा इदा।

मूक चेलाकू 13:47

परबू नाःआ कता अलिंग एचेरेय कता उदुःतेरा, चउंदीसरिकुःआ जमा होड़कू एचेरे भगवान होड़कूय सडावता माःआनमे कता उदुः लगा, बेगर एहूदाकू एचेरे हँकू लगा मरसल इया आमिंग वारमेतना।”

मूक चेलाकू 15:9

हाँयग भगवान अबू अरू हँकू एचेरे तोनोंगाः पाचपटी सुदा मेरेय एचेकेरा। हँकू ईसू एचेरेकू बिसवासतेरा, हनालगा हाँय हँकूराः जीवे एचे सुदकेरा।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

एहुना 9:5

चउंदीसरेयिंग दोहोन वरी ईंग चउंदीसराः मरसल हवे।”

एहुना 3:19

चउंदीसरे मरसल वेगकिया, मनदो होड़कूराः बुता बेलूर इदा। हनालगा हँकू मरसल अते अंदराकू मंजूरवाता अरू हना ओजाहते भगवान होड़कूय फड़ियावता।

1 एहुना 2:12

ने ईंगरिकुःआ लइंकू इया होड़कू, ईसूराः ञावते अपेराः कसूर भगवान बराव एंडाकेरा। ननानाः लगा ईंग अपे लगायिंग ओजाःगेतना।

1 पतरस 1:4

अरू भगवान अनँयगरिकुःआ होड़कू लगा सेरमो देसरेय दोहोकेरा कहियो ओरो सेयानेना सहे ओरो बेलूरनेना सहे ओरो बदलावनेना हना इताड पवाः लगाबू असरागोड ञवनतना।

एहुना 17:17

आमराः सरवन सताय इदा। हनालगा आमकू सेवा लगा आमराः सताय सरवनते हँकूम एटाःगोडकू।

लूका 1:77

आम होड़कूम कता उदुःवाता, भगवान होड़कूराः कसूर बराव एंडाकेडखने सडावकूता।

जूदा 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू एकूबरीग बोहोत इदानीग ईंग जूदा, अपांग भगवान दुलारकेडकूखने राःकेडकुःआ अरू ईसू मसी अनँयग लगाय बनसावकेडकुःआ, हँकुःआ होड़कू लगा नाःआ चिठीयिंग ओजाःगेतना।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

इबरानी 10:14

मसीराः मिनी तुरहाःआ बलिदानते, सुदकू होया जुवाःता हँकुःआ होड़कू, सगर सइट लगाय उडु-बुडूगोतेडकुःआ।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

लूका 24:45

भगवानराः कागदरे ओजाःतो इदा हना जमा कता ईसू हँकूय एचे सुदीगोतेडकुःआ।

2 तिमुतियूस 2:26

अरू कलउ मड़ंगरे हँकुःआ होड़कू आँयग ओंगोल इया एचेगे लगाय अडिगतेडकुःआ हना जालतेकू बनसाव जुवाःता।

इपीसी 2:8

अपे ईसू मसी एचेरेपे बिसवासकेड मेला भगवान आँयगराः मयाते अपेय सडावकेडपेःआ। अरू अपे अँननपे कुरनिसगे अते मेरपे सडावगना, मनदो भगवानराः दहिन हवे।

इपीसी 1:11

भगवान अनँयग ओंगोल अरू हिछा इया जमाकूने एचेगोड ञवनता। हनन इया हाँय ईसू मसीते अबू सुनावकेडखन इताडदारकू बड़ाँःबू लगा मनाड़ंगतेय ओंगोल दोहोकेरा।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

लूका 2:32

नाँय बेगर एहूदाकू एचेरे भगवानराः दूर उदुःवाकू लगा मरसल इयाय होयाःता, अरू नाँय अते इसराएल होड़कूके मान मरजइत होयाःता।”

मती ओजाःतेरा भगवानराः नपाय सरवन 4:16

अंदरारेकू दोहोना, हँकुःआ होड़कू मुरुक विड़चेड़तो मरसलकू ञेलतेरा, अरू बेर निंदावारेय उडुंगगुःता, हनन इया गुजुःराः बोतोरतेकू दोहोना हँकुःआ होड़कूराः जीव मरसलयान।”

इबरानी 10:10

भगवानराः हिछा इया ईसू मसीराः देह सगर सइट लगा मिनी तुरहाय बलिदानयान। हनाते अबू सुदे बड़ाँवकेडबुःआ।

इबरानी 9:15

कसूरतेराकू अरू मड़ंगाः कता-जमकावतोकू टड़ावतेरा हँकुःआ होड़कू सडाव लगा मसी गोएगनेना। नुँहू हाँय नँवा कता-जमकावतोरीग बिच-बिचवाई होड़े बड़ाँवकिया, जेमहा भगवान सुनावकेडकुःआ हँकुःआ होड़कू आँयगराः जबान इया ओरो टुटीगनेना हना इताडकू पवाः।

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

इपीसी 1:14

भगवान जबानकेरा हना इताड अबू लगाय एमेवाबूता अरूय अजइतगोडबूता माःआन एचे उदुःगे लगा भगवान आँयग सुद बिरुवा अबू जीवरे बयान इयाय एमेकेरा, जेमहा भगवानराः मान मरजइत अरू जाग होयाः।

इपीसी 1:7

भगवानराः अगम मयाते ईसू मसीराः बलंगीते अबू अजइतयना अरू अबूराः कसूरे बराव एंडाकेरा।

गलातिया 3:2

मीटोंग कता ईंगपे उदुःवा। अपे भगवानराः सुद बिरुवा करा इयापे पवावकिया, नियम मनावकेडखन जा, नपाय सरवन बिसवासकेडखन?

गलातिया 2:20

अरू नुँहू ईंग मेरिंग जियाःतना, मनदो ईसू मसी ईंग इंदरीरेय जियाःतना। ईंग दुलारकेडखन अनँयग जीव ईंग लगाय एमेकेरा हनाँयग भगवानरीग बेटात ईसू मसी एचेरे बिसवासकेडखन नुँहूयिंग जियाःतना।

1 कुरिंती 1:2

कुरिंती सहररे इदानकुःआ भगवानराः कलसियारिकुःआ होड़कू अपे लगा, नाःआ चिठी ईंग ओओजाःतना। ईसू मसी एचेरेपे बिसवासकेड अते, भगवान अनँयग लगा अपेय एटाःकेडपेःआ अरू परबू ईसू मसीराः ञावतेकू अरजीता हँकुःआ जमा ततेररिकुःआ होड़कू सुदा अनँयगरिकुःआ सुद होड़कूय बड़ाँवकेडपेःआ। हाँयग ईसू मसी हँकूरीग अरू अबूरीग परबू हवे।

रूमी 8:17

अबू हाँयरिकुःआ लनाइंकू हवे दो अबू हों ईसू सुदा भगवानरिकुःआ इताडदारबू बड़ाँवकिया। अरू ईसू मसी सुदा कटसियाबू सहाव दो हाँय सुदा मान मरजइत हों पनावाःताबू।

मूक चेलाकू 26:23

हँकू कतातेड, मसी कटसिया सहावकेडखन जमा गोएगतो होड़कू अते मड़ंगे जियाव रिमुःता अरू ननन इया हाँय अनँयगरिकुःआ होड़कू अरू बेगर एहूदाकू एचेरे मरसल इया भगवानराः सरवने परसार उदुःता।”

मूक चेलाकू 10:43

हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

एहुना 9:39

दो ईसू कतातेड, “ईंग नाःआ चउंदीसरे होड़कू फड़ियाव लगायिंग वेगकिया। नाःआ अते मेरकू ञेञेलतना हँकुःआ होड़कू ञेलता अरू ञेञेलतना हँकुःआ होड़कू अंधा जुवाःता।”

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 4:10

हनते ईसू कतातेड, “भगवान एमेयता हना बदीरे अरू आम एचेरे दाः ञूय लगाय असेयतना हाँयग होड़ बदीरेम सुदीकेः दो, आम ईंग एचेरेम असेकेःआ अरू आम लगा जीवराः दाःयिंग एमेवाकेमेःआ।”

मती ओजाःतेरा भगवानराः नपाय सरवन 4:10

दो ईसू हाँय एचेरेय कतातेड, “ने कलउ, ईंग अते ञीर जुवाःमे। भगवानराः कागदरे नाःआ इया ओजाःतो इदा, आमरीग परबू भगवानमे जाग अरू हनाँय एकलाम सेवा।”

मूक चेलाकू 26:19

दो अगरिपा राजा, सेरमो देस अतेयिंग पवावनेना हना दरसन ईंग कहियो मेरिंग टड़ावगाड।

इपीसी 5:11

होड़कू रइतरेकू एचेयता हना अंदराराः बुतारे अहापे मेसान, मनदो हँकूराः बुता तुमिन बेलूर अरू सदाःआ इदा, हना अपे हँननकूपे एचे उदुःवाकू।

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।