मूक चेलाकू 26:17 - Korwa Bible

¹⁷ अनमरिकुःआ एहूदाकू अते अरू बेगर एहूदाकू अते आमिंग बनसावगोड ञवनता अरू ईंग बेगर एहूदाकू एचेरेयिंग वारमेतना,

मूक चेलाकू 26:17 Referans Kwoze

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

रूमी 11:13

दो नुँहू, अपे बेगर इसराएल होड़कू, ईंगपे अयूम। अपे बेगर इसराएल होड़कू लगा भगवान ईंग मूक चेलाय बड़ाँवकिडिंगा। हनालगा ईंग नाःआ सेवा मरंगिंग ओंगलेतना,

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

गलातिया 2:9

कलसियारिकुःआ अगुवा मूक होड़कू हवे माःआनकू कतावाकुःआ, हँकुःआ एकूब, पतरस अरू एहुना, भगवान ईंग लगाय एमेवाडिंगा हना जिमेवारीकू सुदीगोतेड। दो हँकू ईंग अरू बरनाबास, अबूरिकिनाः सेवा देंगवा होड़किन हवे, माःआनकू मनेवातेडलिंगा। नाःआते अलिंग बेगर एहूदाकू एचेरे अरू हँकू एहूदाकू एचेरे सेवाकू लगा मिनी राययानकू।

मूक चेलाकू 28:28

हनालगा अपे सुदीयापे, भगवान होड़कूय सडावता हना नपाय सरवन नुँहू बेगर एहूदाकू लगा हों इदा अरू हना हँकू बिसवासगेता।”

रूमी 15:16

बेगर एहूदाकू लगा ईसू मसीरीग मूक चेलाय बड़ाँवकिडिंगा अरू ईंग मी होड़ पुजउरी होड़ इया भगवानराः नपाय सरवनिंग परसार उदुःगेतना, जेमहा हँकू भगवान ननायगुः लगा सुद बिरुवाते सुदकेडकूखन बलिदान इयायिंग जिमा अवेकू।

मूक चेलाकू 25:3

हँकुःआ होड़कू पउलूस दूनूररेकू एचे ञेडगेय लगाकू ओंगलेःआ। हनालगा हँकू पिसतूस एचेरेकू कताया, “अले मयावाडलेखन आम पउलूस एरुसलेम सहररे एचे अगूगेय।”

मूक चेलाकू 18:10

हनालगा आम अहम बोर, कलेकाल अलोम दोहोन मनदो होड़कू एचेरे ईंग बदीरेम कता उदुःगे।”

मूक चेलाकू 17:14

दो हंडाकुःआ बिसवासी होड़कू ओहेन पउलूस समुंदर धरीराः छतर अगीकू अगूगोतेडीग। मनदो सिलास अरू तिमुतियूस बिरियारेकिन दोहोयान।

मूक चेलाकू 17:10

रइत होयानेन दो ओहेन तिसलूनिका सहररिकुःआ बिसवासी होड़कू पउलूस अरू सिलास बिरिया सहर अगीकू वारगोतेडकिन। हंडाकिन सोदोरनेन दो हँकिन एहूदाकूराः अरजी ओड़ाःरेकिन सेनेडा।

मूक चेलाकू 16:39

हँकिनकू मंदराव लगाकू वेजेडा अरू जेहेल अते एचे उडुंगतेडकिनखनकू हना सहर अते एटाः सहर अगीकिन सलाव जुवाः लगा हँकिन एचेरे असेतेडखनकू कतावातेडकिना।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।