मूक चेलाकू 26:11 - Korwa Bible

¹¹ अरू ईंग मीटोंग अरजी ओड़ाः अते एटाः अरजी ओड़ाः सेनेडखन हँकूयिंग संतावा अरू ईसूराः बदीरेयिंग एचे ओपताकुःआ। हँकू बदीरे ईंगराः रीस मुरुक दोहोना अरू हँकू संतावकू लगा एटाः एटाः राइजराः सहरकूनरे होयिंग सेनेडा।”

मूक चेलाकू 26:11 Referans Kwoze

मूक चेलाकू 22:19

मनदो ईंग कता कुदातेरा, परबू नँकुःआ होड़कू सुसुदीतना ईंग मीटोंग अरजी ओड़ाः अते एटाः अरजी ओड़ाःरे सेनेवाडखन आम एचेरेकू बिसवासतेरा हँकुःआ होड़कू ईंग ञेडतेडकूखन जेहेलरेयिंग एचे सींगतेडकुःआ।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मती ओजाःतेरा भगवानराः नपाय सरवन 10:17

अपे बेलूर होड़कू अते सवासितीपे दोहोन। हँकू अपे पंचाइतरेकू जिमापेता अरू अँकूराः अरजी ओड़ाःकूनरे अपे गुरुंदतेकू ञेडपेता;

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मूक चेलाकू 9:1

हना वरीते साहूल परबू ईसूरिकुःआ चेलाकू ञेड गोएगकू लगाय हड़कावकुःआ। अरू हाँय दिमसकूस सहररे सेन लगाय ओंगोल राइनेना।

2 पतरस 2:16

मनदो मीटोंग गदहा, होड़ इया, भगवानराः बड़रा कता होड़ बिलाम सुदा बुतुड़ुनेनखन हाँयराः बउड़ाहाकू एचेयता हना इयाःआ बुता अतेय रोंकावतिरिया।

एकूब 2:7

अरू अपेय राःकेरा हनाँयग नाय नपाय परबू ओपताकिडिगखनकू कतायतना नँकुःआ होड़कू ना लवे जा?

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

लूका 21:12

नाःआ जमा होयाः अते मड़ंग ईंग बदीरे होड़कू अपेकू साबता अरूकू संतावपेता। अपे पंचाइतरेकू जिमापेता अरू जेहेलरेकू एचे सींगपेता अरू राजाकू अरू हातपात होड़कू मड़ंगरेकू एचे चड़ाँपेता।

लूका 15:17

हनमेला हाँय उहियारवाडखने कताया, ईंग अपांगरिकुःआ सेवकिया होड़कू जोम लगा मुरुक इदा। दो ईंग नंडा रंगेगतिंग गुजुःतना।

लूका 6:11

नियम चेडदार होड़कू अरू फरीसी होड़कू मुरुक रीसनेनखन बहरीकू उडुंगयान अरू हँकू जहड़ होड़ेंगा, “अबू ईसू करा इयाबू करजेय?”

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

मरकूस 3:28

अयुमेपे, होड़कूराः जमा कसूर अरू एटाःकूकू ओपताता हना हों भगवान बराव एंडागोडता।