मूक चेलाकू 24:7 - Korwa Bible

⁷ मनदो सइना होड़कूरीग मरंग हातपात होड़ लुसियास हाँय अले तिःईतेय तोतकाव गोःयाडीग।

मूक चेलाकू 24:7 Referans Kwoze

मूक चेलाकू 24:6

हाँय भगवानराः ओड़ाः सात-भाड़गे लगाय कुरनिसतेरा, मनदो अले हाँयले साबतिरिया। [हाँय अले नियम इयाले डंडियावकेःआ,

मूक चेलाकू 24:8

अरू हाँयकू बदीतेरा हँकुःआ होड़कू आम मड़ंगरे वेग लगाय हुकुमतेरा।] नाँयग होड़ जासकेडखनमे सुदीगोडता नाँय एचेयतना माःआन बदीकेडखनले कतायतना हना जमा कताकून सताय हवे, माःआन।”

मूक चेलाकू 21:31

हँकुःआ होड़कू पउलूस ञेड एंडा लगाकू ओंगलेःआ दो, जमा सहररे होड़कू कड़ीगकू रेमतना माःआन रूमी देसरिकुःआ सइनाकूरीग मरंग हातपात होड़ एचेरे सरवन सोदोरनेना।

मूक चेलाकू 21:35

दो पउलूस सीड़ही वरीकू अगूतिरिया दो होड़कूराः कड़ीग मुरुक होयानेन अरू हनाते सइनाकू हाँय रेम गोःगेय लगा हँकूके परावयान।

मूक चेलाकू 23:10

हँकुःआ होड़कू तलारे मुरुक कड़ीग होयानेन अरू हाँयग मरंग हातपात होड़ बोराः, नँकुःआ होड़कू पउलूसकू सरी-मतरी एंडागोडेयता, माःआन। हनालगा सइना होड़कू लतार अगी सेनेवाडखन पउलूस हँकुःआ होड़कू अते सइनाकूराः गड़हीरे तोतकाव अगूकू लगाय हुकुमतेरा।

मूक चेलाकू 23:23

हनते हाँयग मरंग हातपात होड़ आँयगरिकुःआ मी सव सइनाकूरिकिनाः बारगोटोंग हातपात होड़किन राःतेडखने हुकुमवातेडकिन, “बार सव सइना होड़कू, सतरगोटोंग घोड़ा सलाव होड़कू अरू बरछा साबतो बार सव होड़कू कइसरिया सहररे तिनिसिंग खर-बियाड़ी रइत सेन लगापे सपड़ाव दोहोका।