मूक चेलाकू 23:6 - Korwa Bible

⁶ दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”

मूक चेलाकू 23:6 Referans Kwoze

मूक चेलाकू 24:21

हनमेला ईंग मिनीटोंग कता हँकूराः तलारे चड़ाँकियानखनिंग कतातेरा, गोएगतो होड़कू जियाव रिमुःता हना बदीरे तिसिंग अपे मड़ंगरे ईंगराः फड़ियाव होयाःतना, माःआन।”

मूक चेलाकू 24:15

अरू भगवान नपाय होड़कू अरू बेलूर होड़कू गोएग गुराः तयोमरेय जियाव रेमकूता, हना नँकुःआ होड़कू इया ईंग हों भगवान एचेरेयिंग असरागोड ञवनतना।

पिलिपी 3:5

नाःआ कता अयुमेपे, ईंग जनमावनेनते आठ दिनरे ईंगराः खतना होयानेना, अरू ईंग इसराएलरीग नइड़-बाँस होड़ हवे, अरू बिनियामीन गोतोर अतेयिंग जनमावकिया, अरू ईंग सताय एहूदा होड़ हवे, अरू एहूदाकूराः नियमकून नपायतेकू मनाःता हँकुःआ फरीसी गउदारीग होड़ हवे,

मूक चेलाकू 28:20

हनालगा ईंग अपे सुदा जुमाः लगा अरू बुतुड़ु लगायिंग राःकेडपेःआ। इसराएल होड़कू मसी लगाकू असरागोड ञवनतना, अरू हाँय एचेरेयिंग बिसवासकेड अते नुँहू ईंग तोलतो इया इदानिंगा।”

मती ओजाःतेरा भगवानराः नपाय सरवन 22:23

हनते हनानाः दिन सदूकी होड़कू ईसू एचेरेकू वेजेडा। हँकुःआ सदूकी होड़कू बिसवासगेता, तोनोंगीग होड़ गोएग जुवाः दो, हाँय ओरोय जियाव रेमनेना, माःआन। दो हँकू ईसू एचेरेकू होंबोरतेरा,

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मती ओजाःतेरा भगवानराः नपाय सरवन 10:16

सवासितीपे दोहोना। रमू बुःआकूराः तलारे भेड़ाकू इयायिंग वारपेतना। हनालगा अपे बींगकू इया कनहूनदारकूपे दोहोन अरू पेरवाँकू इया बेगर गारबारतेपे दोहोन।

मती ओजाःतेरा भगवानराः नपाय सरवन 3:7

फरीसी होड़कू अरू सदूकी होड़कू बतिसमा गोः लगाकू वेजेडा दो, हाँय हँकू एचेरेय कतातेड, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावकेडपेःआ?

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 22:30

एहूदाकू पउलूस चिला लगाकू बदीतिरिया हना सुदीगे लगा हाँयग मरंग हातपात होड़ एटाः दिन पउलूसे अड़ाःगोतेड अरू एहूदाकूरिकुःआ मरंग पुजउरीकू अरू मूक होड़कूराः मरंग पंचाइतकू एचे जुमावकू लगाय हुकुमतेरा। हनते हाँय पउलूसे अगूतेडखन हँकू मड़ंगरेय एचे चड़ाँःतिरिया।

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

मूक चेलाकू 23:7

पउलूस नाःआ इयाय कताया हना तयोमरे फरीसी होड़कू अरू सदूकी होड़कू तलारे कड़ीग रेमयान अरू हना पंचाइत हिगार हटिंगयान।

मूक चेलाकू 23:15

हाँयग पउलूस बदीरे नपायते अता पतागे लगा अपे मड़ंगरे अगूगेय लगा मरंग हातपात होड़ एचेरे आम अरू मरंग पंचाइतरिकुःआ होड़कू मीटोंग बुइद तुलाकेडखनपे कताय। पउलूस नंडाय सुदरुः अते मड़ंग हाँय ञेड एंडागेय लगा सपड़ावतो इदानलेःआ।”

मूक चेलाकू 23:20

दो हाँयग डिंघा कताया, “ने साहेब, अदोम एहूदाकू गपा पउलूस बदीरे अरू जास पता होयाः लगा बुइद तुलाकेडखन मरंग पंचाइतरे हाँय अगूगेय लगा आम एचेरे असे लगाकू राययना।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

इबरानी 6:19

भगवान एचेरे इदा अबूराः हना असरा अबू जीव लगा मीटोंग पहटाराः खुंटा इया जबड़ अरू बड़ियाड़ इदा। दो नाःआ असराते मरंग परदाराः मार परोम मुरुक सुद ततेररे भगवानराः मड़ंगरे बोलोत इया इदानबुःआ।