मूक चेलाकू 23:15 - Korwa Bible

¹⁵ हाँयग पउलूस बदीरे नपायते अता पतागे लगा अपे मड़ंगरे अगूगेय लगा मरंग हातपात होड़ एचेरे आम अरू मरंग पंचाइतरिकुःआ होड़कू मीटोंग बुइद तुलाकेडखनपे कताय। पउलूस नंडाय सुदरुः अते मड़ंग हाँय ञेड एंडागेय लगा सपड़ावतो इदानलेःआ।”

मूक चेलाकू 23:15 Referans Kwoze

मूक चेलाकू 22:30

एहूदाकू पउलूस चिला लगाकू बदीतिरिया हना सुदीगे लगा हाँयग मरंग हातपात होड़ एटाः दिन पउलूसे अड़ाःगोतेड अरू एहूदाकूरिकुःआ मरंग पुजउरीकू अरू मूक होड़कूराः मरंग पंचाइतकू एचे जुमावकू लगाय हुकुमतेरा। हनते हाँय पउलूसे अगूतेडखन हँकू मड़ंगरेय एचे चड़ाँःतिरिया।

मूक चेलाकू 25:3

हँकुःआ होड़कू पउलूस दूनूररेकू एचे ञेडगेय लगाकू ओंगलेःआ। हनालगा हँकू पिसतूस एचेरेकू कताया, “अले मयावाडलेखन आम पउलूस एरुसलेम सहररे एचे अगूगेय।”

एहुना 18:12

हनते हँकुःआ सइना होड़कू अरू अँकूरीग हातपात होड़ अरू भगवानराः ओड़ाःरिकुःआ अगुरा होड़कू ईसू तोलतिरिगखनकू साब गोःयाडीग।

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

मूक चेलाकू 23:6

दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”