मूक चेलाकू 22:24 - Korwa Bible

²⁴ हाँयग मरंग हातपात होड़ पउलूस गड़हीरे एचे अगूतिडिगखन सइनाकू एचेरेय कतातेड, “नाँय गुरुंदतेपे ञेंडेय अरूपे जासवाय, दो ईंग सुदीगोडता होड़कू नाँय बदीरे चिला लगाकू खिररीतना।”

मूक चेलाकू 22:24 Referans Kwoze

मूक चेलाकू 23:10

हँकुःआ होड़कू तलारे मुरुक कड़ीग होयानेन अरू हाँयग मरंग हातपात होड़ बोराः, नँकुःआ होड़कू पउलूसकू सरी-मतरी एंडागोडेयता, माःआन। हनालगा सइना होड़कू लतार अगी सेनेवाडखन पउलूस हँकुःआ होड़कू अते सइनाकूराः गड़हीरे तोतकाव अगूकू लगाय हुकुमतेरा।

मूक चेलाकू 21:34

दो अदोम होड़कू मीटोंग कताकू कतातेरा अरू अदोम होड़कू एटाः कताकू कता उदुःतेरा। सताय कता चिला हवे माःआन हाँयग मरंग हातपात होड़ मेरे सुदीया। हनालगा हाँय पउलूस गड़हीरे गोःगेय लगाय हुकुमतेरा।

एहुना 19:1

हनते पिलातूस ईसू गुरुंदतेय एचे ञेडतिरिया।

इबरानी 11:35

बिनिसवासते अइमीकू अँननकूरिकुःआ गोएगतो होड़कू जीयतकू पवावनेना। तोनोंग तोनोंग होड़कू मउर तेला तेलाकू गोएगयान। हँकू गोएगतो अते जियाव रेमकियानखन नाय नपाय जीव पवाः लगाकू चहाःआ अरू हनालगा गुजुः लगा सनपड़ावतोकू दोहोना।

मूक चेलाकू 23:27

एहूदाकू नाँयग होड़ साबतिडिगखन ञेड गोजेय लगाकू ओंगलेःआ, मनदो हाँय रूमी देसरीग थनहिया होड़ हवे माःआनिंग सुदीकेरा अरू हनालगा ईंगरिकुःआ सइनाकू सुदा सेनेकियानखन हाँयिंग सडावतेरा।

मूक चेलाकू 16:37

मनदो पउलूस कतातेरा, “अलिंग रूमी देसरिकिनाः थनहिया होड़किन हवे अरू बेगर नपाय फड़ियावते हँकू जमा होड़कू मड़ंगरे अलिंगकू ञेडतेडखन जेहेलरेकू एचे सींगतेडलिंग। दो नुँहू कलेकाल वेगकियानखन एचे अड़ाःलिंग लगाकू ओंगलेतना जा? बुरी, नाःआ इया कोवान। हँकू अँननकू अँकू नंडा वेगकियानखनकू एचे उडुंगलिंग।”

मूक चेलाकू 21:37

सइना होड़कू पउलूस गड़ही अगी गोःगेय मेला हाँय हाँयग मरंग हातपात होड़ एचेरेय कताया, “ने साहेब, ईंग आम एचेरे मीटोंग कतायिंग कता अवेयता जा?”

मूक चेलाकू 28:18

ईंग गुजुः इयाःआ तोनोंगाः कसूर मेरिंग एचेगरा, हनालगा हँकू ईंग जासतेडखन अड़ाःगींग लगाकू चहाःआ।