मूक चेलाकू 22:21 - Korwa Bible

²¹ मनदो परबू ईसू ईंग एचेरेय कताया, दूमे, ईंग आम बेगर एहूदाकू एचेरेयिंग वारमेतना, माःआन।”

मूक चेलाकू 22:21 Referans Kwoze

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

रूमी 15:16

बेगर एहूदाकू लगा ईसू मसीरीग मूक चेलाय बड़ाँवकिडिंगा अरू ईंग मी होड़ पुजउरी होड़ इया भगवानराः नपाय सरवनिंग परसार उदुःगेतना, जेमहा हँकू भगवान ननायगुः लगा सुद बिरुवाते सुदकेडकूखन बलिदान इयायिंग जिमा अवेकू।

रूमी 11:13

दो नुँहू, अपे बेगर इसराएल होड़कू, ईंगपे अयूम। अपे बेगर इसराएल होड़कू लगा भगवान ईंग मूक चेलाय बड़ाँवकिडिंगा। हनालगा ईंग नाःआ सेवा मरंगिंग ओंगलेतना,

2 तिमुतियूस 1:11

ननानाः नपाय सरवन लगा भगवान पपरसार होड़, ईसूरीग मूक चेला अरू चेडदार बड़ाँः लगा ईंगे सुनावकेरा।

रूमी 16:26

मनदो नुँहू हना सरवन भगवान अनँयगराः बड़रा कता होड़कूते अरू सगर सइट वरीय दोहोनता हाँयग भगवानराः हुकुमते जमा जइत होड़कू एचेरेय एचे उदुःवाडकुःआ, जेमहा जमा होड़कू हाँय एचेरे बिसवासकेडखन हाँयराः हुकुम मनाः होड़कूकू बड़ाँव जुवाः।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 13:2

दो हँकू उपास घड़ीन परबूकू जाग मेला, सुद बिरुवा कतातेरा, “ईंग राःकेडकिना हना बुता एचे लगा बरनाबास अरू साहूलपे एटाःगोड।”

इपीसी 3:3

मड़ंगरे नाःआ कता ओकोत दोहोना अरू नुँहू भगवान ईंग एचेरेय एचे उदुःकेरा, अरू हना बदीरे ईंग मड़ंगरे गुनहोनिंग ओजाःतेरा।