मूक चेलाकू 21:39 - Korwa Bible

³⁹ दो पउलूस कतातेरा, “ईंग ना लवे। ईंग किलिकिया छतरराः मीटोंग मइद सहर तरसूस सहररीग मी होड़ एहूदा होड़ हवे। दो ईंग आम एचेरेयिंग असेयतना, नँकुःआ होड़कू एचेरे मीटोंग कता कता लगा ओवायिंगमे।”

मूक चेलाकू 21:39 Referans Kwoze

मूक चेलाकू 22:3

हनते पउलूस कताया, “ईंग किलिकिया देसराः तरसूस सहररीग एहूदा होड़ हवे। मनदो ईंगराः पला दरी ननानाः सहररे होयानेना। अबू खुटिपरिया होड़कूराः नियम बदीरे ईंग गमालिएल एचेरेयिंग चिडुःआ। अपे भगवान जमालेःआ मान मरजइतगेय लगा सपड़ावतो इदानपेःआ, हना इया ईंग होयिंग दोहोना।

मूक चेलाकू 9:11

दो परबू हाँय एचेरेय कतातेड, “रिमुःमे अरू सोएग ञावराः गलीरेम सेन। हंडा तरसूस सहररीग साहूल बदीरेम होंबरे। हाँय ईंग एचेरेय अरजीतना।

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

1 पतरस 3:15

मनदो अपे ईसू मसी अँननपेरीग परबू हवे माःआन अकूसपे मनावगेय। अरू तोनोंगीग अपे जीवरे इदा हना असरा बदीरेय होंबरे दो, जमा बेला अँननपे अपे हुडिंग ओंगोलकियानखन, एटाःकू मान मरजइत घड़ीन कता कुदागे लगा, सपड़ावतोपे दोहोन।

मूक चेलाकू 23:34

दो हाँयग हातपात होड़ चिठी बछावनेनखने होंबोरतेडकुःआ, “नाँय करा राइजरीग होड़ हवे?” दो हँकू कतातेड, “नाँय किलिकिया राइजरीग हवे।”

मूक चेलाकू 23:27

एहूदाकू नाँयग होड़ साबतिडिगखन ञेड गोजेय लगाकू ओंगलेःआ, मनदो हाँय रूमी देसरीग थनहिया होड़ हवे माःआनिंग सुदीकेरा अरू हनालगा ईंगरिकुःआ सइनाकू सुदा सेनेकियानखन हाँयिंग सडावतेरा।

मूक चेलाकू 21:37

सइना होड़कू पउलूस गड़ही अगी गोःगेय मेला हाँय हाँयग मरंग हातपात होड़ एचेरेय कताया, “ने साहेब, ईंग आम एचेरे मीटोंग कतायिंग कता अवेयता जा?”

मूक चेलाकू 16:37

मनदो पउलूस कतातेरा, “अलिंग रूमी देसरिकिनाः थनहिया होड़किन हवे अरू बेगर नपाय फड़ियावते हँकू जमा होड़कू मड़ंगरे अलिंगकू ञेडतेडखन जेहेलरेकू एचे सींगतेडलिंग। दो नुँहू कलेकाल वेगकियानखन एचे अड़ाःलिंग लगाकू ओंगलेतना जा? बुरी, नाःआ इया कोवान। हँकू अँननकू अँकू नंडा वेगकियानखनकू एचे उडुंगलिंग।”

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 9:30

बिसवासी होड़कू नाःआ कताकू सुदीतेरा दो हँकू हाँय कइसरिया सहर अगीकू गोःयातिरिया अरू हंडा अते अनँयग सहर तरसूस अगी जहाजरेकू वारगोतेडीग।