मूक चेलाकू 21:27 - Korwa Bible

²⁷ सात दिन होनोयाः बेला आसिया राइजरिकुःआ तोनोंग तोनोंग एहूदाकू पउलूस भगवानराः ओड़ाःरेकू ञेलतिरिया। हँकू जमा होड़कू पउलूस बदीरे कड़ीगकू एचे रेमा अरू हाँयकू साबतेरा,

मूक चेलाकू 21:27 Referans Kwoze

मूक चेलाकू 26:21

हनालगा एहूदाकू भगवानराः ओड़ाःरे ईंग साबकेडखन, ञेड गोएग एंडायिंग लगाकू कुरनिसतेरा।

मूक चेलाकू 24:18

अलेराः रिती-बिधी इया सुदकियानखन नाःआ जमाकूनिंग एने एएमेःआ मेला आसियारिकुःआ अदोम एहूदाकू भगवानराः ओड़ाःरे ईंगकू वेग ञामतेरा। अरू हनमेला ईंग एकलायिंग दोहोना अरू तोनोंगाः हलो-गदोड़ीरे मेरिंग मेसागान।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 6:12

दो हँकुःआ होड़कू इसराएल मूक होड़कू, चेडदार होड़कू अरू एटाः होड़कू इसतपनूस बदीरेकू बहकावतेडकूखन हँकू हाँय साबतिरिगखन मरंग पंचाइतरेकू एचे चड़ाँतिरिया।

मूक चेलाकू 5:18

हँकू ईसूरिकुःआ मूक चेलाकूकू एचे साबतेडखन जेहेलरेकू एचे सींगगोतेडकू।

मूक चेलाकू 4:3

दो हनमेला सिंगाड़यान अरू हँकू पतरस अरू एहुनाकू साबतेडखन निंदावा वरी जेहेलरेकू सींगगोतेडकिन।

लूका 21:12

नाःआ जमा होयाः अते मड़ंग ईंग बदीरे होड़कू अपेकू साबता अरूकू संतावपेता। अपे पंचाइतरेकू जिमापेता अरू जेहेलरेकू एचे सींगपेता अरू राजाकू अरू हातपात होड़कू मड़ंगरेकू एचे चड़ाँपेता।

मूक चेलाकू 2:9

अबू पारथी राइजरिकुःआ, अरू मेदी राइजरिकुःआ, अरू एलाम राइजरिकुःआ, अरू मेसोपोटोमिया राइजरिकुःआ, अरू एहूदिया छतररिकुःआ, अरू कपादूकिया राइजरिकुःआ, अरू पुंतूस राइजरिकुःआ अरू आसिया राइजरिकुःआ,

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

मूक चेलाकू 16:6

भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

मूक चेलाकू 20:19

एहूदाकू बुइदकून तुलातेडखन ईंगकू संतावतेरा, हनायिंग सहावतेरा अरू ईंग इनिंग हुडिंग ओंगोलकियानखन अपे लगा मुरुक इयाम घड़ीन परबूयिंग सेवातेरा।

मूक चेलाकू 24:11

आम अनम नपायते जासकेडखनमे सुदी अवेयता, बारह दिन मड़ंगरे एरुसलेमरे भगवान जाग लगायिंग सेनेडा।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

1 तिसलूनिका 2:16

भगवान होड़कूय सडावता, हना सरवन बेगर एहूदाकू एचेरे अले कता उदुःगे अते, हँकुःआ होड़कू अलेकू रोंकावता। हँकुःआ होड़कू मुरुककू कसूरतेरा अरू कसूररेकू तीलयान। अरू हनालगा भगवान हँकू सुदा मुरुक रीसतो इदानिया।