मूक चेलाकू 20:9 - Korwa Bible

⁹ अरू हंडा ऊतिकूस ञावीग मी होड़ डिंघा दोहोना। पउलूस मुरुक बेला वरीय परसारगोड ञवना अरू ऊतिकूस मीटोंग किरकी दुवार गतर दुड़ुःनेनखने दड़ुमा। तोनोंग बेला तयोमरे हाँय अपीगनेनखन पेय मंजिल ओड़ाः अते ओतरेय कसड़यान अरूय गोएगयान।

मूक चेलाकू 20:9 Referans Kwoze

मरकूस 13:36

हाँय असाकाय वेग दो अपीगतो अहाय ञेलपे।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मरकूस 9:26

हनते मुरुक खिररीवाडखन अरू हाँय मुरुक एचे घोलंडावाडिगखन भूत उडुंगयाने। अरू हाँयग लँइग गोएगतो इयाय होयायान। मुरुक बगरा होड़कू कताया, “नाँयग लँइग गोएगयनाय।”

मूक चेलाकू 20:7

हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

मूक चेलाकू 20:8

संगइतीरेले दुड़ुःनेना हना सेरमोराः छिनारे मुरुक ढिबरीकून दोहोना।

मूक चेलाकू 20:10

दो पउलूस लतार अगीय उतरावनेना अरू हाँयग डिंघा चोटरे गेतेगनेनखने कबातिरिया। हाँय हँकू एचेरेय कताया, “अपेराः जीव अहा हुडिंगगुः, नाँय दो जीयत इदानिया।”