मूक चेलाकू 20:7 - Korwa Bible

⁷ हपताराः मड़ंग दिनरे चेलाकू परबूराः रुटी डुंडीग जोम लगाकू वेजेडा दो, पउलूस हँकू एचेरेय परसारतेरा। हाँय एटाः दिन सेन लगाय दोहोना, हनालगा हाँय हटिंग बरा रइत वरीय बड़रागोड ञवना।

मूक चेलाकू 20:7 Referans Kwoze

1 कुरिंती 16:2

जमा हपताराः मड़ंग दिन एतवार दिन अपेराः आन-धान अते हुडिंग हुडिंगपे बनसाव दोहोगे। दो ईंग अपे एचेरेयिंग सेन, हनमेला ईंगके बिहिरी उउतराव ओरो परावनेना।

मूक चेलाकू 2:42

दो बिसवासी होड़कू मूक चेलाकूराः चेड मिनी जीवतेकू मनावनेना अरू एटाः बिसवासी होड़कू सुदा संगइतीरेकू दुड़ुःआ। हँकू रुटीकू डुंडीगा अरू मिनीरे जुमावनेनखनकू अरजीःआ।

एहुना 20:19

हनानाः एतवार दिन सिंगाड़ मेला, चेलाकू एहूदाकूरिकुःआ मूक होड़कूराः बोतोरते ओड़ाःरे सींग रेडतोकू दोहोना। दो ईसू हंडाय वेजेडा अरू हँकू तलारे चड़ाँनेनखने कतावाकुःआ, “भगवान अपेराः जीवे सलसतगे।”

एहुना 20:1

हपताराः मड़ंग एतवार दिनरे, आंग फइड़साःआ मेला, मगदलियायिन मरियम हना मड़गटरेय सेनेडा अरू लात दुवारराः दिरि, चलाःतोय ञेलतेरा।

उदुःतो कताकून 1:10

परबूराः दिनरे सुद बिरुवातेयिंग पेरेगयान अरू ईंग तयोम अगी मरंग सोहनाई इया मुरुक सटी मीटोंग अरोयिंग अयूमतेरा,

मूक चेलाकू 20:11

हनते हाँय अरू सेरमो छिनारेय सेनेडा अरू हंडा जमाकू सुदा परबूराः रुटी डुंड़ीगतेडखने जोमा। अंगुः निंदावा वरी हाँय बड़राःआ अरू हना तयोमरे हाँय तोराय।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

मूक चेलाकू 20:9

अरू हंडा ऊतिकूस ञावीग मी होड़ डिंघा दोहोना। पउलूस मुरुक बेला वरीय परसारगोड ञवना अरू ऊतिकूस मीटोंग किरकी दुवार गतर दुड़ुःनेनखने दड़ुमा। तोनोंग बेला तयोमरे हाँय अपीगनेनखन पेय मंजिल ओड़ाः अते ओतरेय कसड़यान अरूय गोएगयान।

लूका 24:35

दो हँकिन हों दूररे होयानेना अरू ईसू रुटीय डुंडीग मेला करा इयाकिन सिनहातिरिया, हना जमा कता हँकू एचेरेकिन कता उदुःतेरा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 10:16

अबू परबू भोज धनियाबाद घड़ीनबू जोम-ञूयता। अबू हना अंगूर रसबू ञूयतान दो ईसू अनँयगराः बलंगीय तूतेरा अते नफाबू पवावकिया अरू हना नफाराः इताडदारबू बड़ाँःता। अरू अबू हना रुटी डुंडीग घड़ीनबू जोमतान दो ईसू अनँयग देहरे कटसियाय सहावतेरा अते नफाबू पवावकिया अरू हना नफाराः इताडदारबू बड़ाँःता।

मूक चेलाकू 20:31

हनालगा सवासितीपे दोहोन। अंदांज पेय बरिस वरी ईंग इयाम घड़ीन दिन रइत अपेयिंग सेतावगोड ञवना।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

एहुना 20:26

आठ दिन तयोमरे ईसूरिकुःआ चेलाकू ओड़ाः पेंदारेकू दोहोना। अरू हँकू सुदा तोमा होंय दोहोना। हना ओड़ाःराः दुवार सींगतो दोहोना। हननमेला ईसू वेगनेना अरू हँकू तलारे चड़ाँनेनखने कतातेरा, “भगवान अपेराः जीवे सलसतगे।”

लूका 22:19

हनते हाँय रुटीय साबतेरा अरू भगवान धनियाबादतेडखन रुटीय डुंडीगतेरा। हनते चेलाकू नाःआ इया कतावातेडकूखने हटिंगवातेडकुःआ, “नाःआ रुटी ईंगराः देह हवे, अरू हना अपे लगायिंग एमेयता। ईंग उहियार लगा नान इयापे एचेय।”

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।

मरकूस 16:9

[तोनोंग बेला तयोमरे हनानाः दिन अनंगुः निंदावा बेला ईसू जियाव रेमनेनखन मगदलियायिन मरियम एचेरे अनँयग एचे ञेलयान। ननाँयग मरियम अते ईसू मड़ंगरे सातगोटोंग भूतकूय एचे उडुंगतेरा।

मूक चेलाकू 16:10

पउलूस नाःआ दरसन ञेलतेडखन तयोमरेय सुदीगोतेड, मकिदुनिया देसरिकुःआ होड़कू एचेरे भगवानराः नपाय सरवन कता उदुः लगा भगवान अलेय राःतना, माःआन। अरू ओहेन मकिदुनिया देस सेन लगाले सपड़ावनेना।

मूक चेलाकू 20:5

नँकुःआ होड़कू अले अते मड़ंगकू सेनेडखन तरोवासरे अलेकू तंगीतेरा।