मूक चेलाकू 20:23 - Korwa Bible

²³ मनदो ईंग नाःआ कतायिंग सुदीयतना जमा सहरकूनरे ईंग लगा कटसिया होयाःता अरू जेहेलरे ईंगकू सींगगोडता माःआन सुद बिरुवा सेतावकिरिंगा।

मूक चेलाकू 20:23 Referans Kwoze

मूक चेलाकू 9:16

हाँय ईंग लगा तुमिन कटसिया सहावगे लगा इदा हना हाँय ईंग उदुःवायतिंग।”

1 तिसलूनिका 3:3

जेमहा अपे तोनोंगाः कटसिया मेला बिसवासरे अहापे हिटोः-डोबोःगुः। मनदो अपे सुदीयतना नाःआ इयाःआ कटसिया अबू जीवरे होनोयाःता।

मूक चेलाकू 21:4

हना वरीते अले हंडाकुःआ तोनोंग तोनोंग बिसवासी होड़कू सुदाले जुमावनेना अरू हँकू सुदा सात दिन वरीले दोहोना। भगवानराः सुद बिरुवाते हँकू पउलूस एरुसलेम अलोय सेन लगाकू कतातेरा।

मूक चेलाकू 21:33

हाँयग हातपात होड़ वेगवाडखन पउलूसे साबतेरा अरू हाँय बारटोंग सिकिड़ीते तोलेय लगाय हुकुमतेरा। हनते हाँय होड़कू एचेरेय होंबोरतेरा, “नाँय इये हवे अरू नाँय चिलाय एचेकेरा?”

मूक चेलाकू 21:11

हाँय अले एचेरे वेगकियानखन पउलूसराः पेटार गोःतेडखन हाँय अनँयग तिःई अरू काट तोल रहावनेनखने कताया, “भगवानराः सुद बिरुवा नाःआ इयाय कतायतना, नाःआ पेटार इयेराः हवे, हाँयग होड़ एहूदाकू ननन उड़ी तोल रहावकिरिगखन बेगर एहूदाकू एचेरेकू जिमागोडेयता।”

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

मूक चेलाकू 8:29

दो सुद बिरुवा पिलिप एचेरेय कताया, “आम हनानाः रंत अगीम सेन अरू मिनी जुदाबा सेन।”

एहुना 16:33

ईंग अते अपेराः जीव सलसतरे दोहोन लगा नाःआ कता अपे एचेरेयिंग कता उदुःकेरा। चउंदीसरे अपे लगा गराह गिराह अरू कटसिया होयाःता, मनदो ईंग नाःआ जमाकूनते जितावतो इदानिंगा। हनालगा अपे डीड़तेपे दोहोन।”

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

1 तिमुतियूस 4:1

भगवानराः सुद बिरुवा नपायते उदुःगेता, दरवाःआ हना बेला अदोम होड़कू बहकावकूता हना भूतकूराः चेडरे बिसवासकेडखन सताय बिसवासकू अड़ाःगोडता, माःआन।