मूक चेलाकू 2:9 - Korwa Bible

⁹ अबू पारथी राइजरिकुःआ, अरू मेदी राइजरिकुःआ, अरू एलाम राइजरिकुःआ, अरू मेसोपोटोमिया राइजरिकुःआ, अरू एहूदिया छतररिकुःआ, अरू कपादूकिया राइजरिकुःआ, अरू पुंतूस राइजरिकुःआ अरू आसिया राइजरिकुःआ,

मूक चेलाकू 2:9 Referans Kwoze

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।

उदुःतो कताकून 1:4

ईंग एहुना, आसिया राइजराः सातगोटोंग कलसियारिकुःआ होड़कू लगायिंग ओजाःगेतना। जूग परियातेय दोहोना, अरू नुँहू इदानिया अरू अरूय कुदा वेगता हाँयग भगवान अपे मयावाडपेखन सलसत एमेवापे लगायिंग अरजीतना। अरू भगवानराः गदी मड़ंगरे इदा हना सातगोटोंग बिरुवा,

2 तिमुतियूस 1:15

आम सुदीयतना आसियारिकुःआ अदोम बिसवासी होड़कू ईंगकू अड़ाःगोतेडा। पुगलूस अरू हिरमुगनेस, हँकिन हों ईंगकिन अड़ाःगोतेडा।

मूक चेलाकू 18:2

दो हाँय हंडा पुंतूस छतररीग अकिला ञावीग एहूदा होड़ सुदाय जुमावनेना। हाँय आँयग अइमी पिरिसकी सुदा इटली देसराः रूमी सहर अतेय वेजेडा। कइसर मरंग राजा कलाउदियूस जमा एहूदाकू रूमी सहर अड़ाःकेडखन ञीर लगाय कतावातेडकुःआ। हनालगा हँकिन रूमी सहर अड़ाःतेडखन कुरिंती सहररेकिन सेनेडा।

मूक चेलाकू 16:6

भगवानराः सुद बिरुवा आसिया राइज सेन अते रोंकावतेडकुःआ। हनालगा पउलूस अरू आँयगरिकुःआ सउंगताकू पिरगिया अरू गलातिया छतरतेकू सेनेडा।

मूक चेलाकू 19:10

नाःआ इया बार बरिस वरी होयानेना अरू आसिया राइजरिकुःआ मुरुक बगरा एहूदाकू अरू बेगर एहूदाकू परबूराः सरवनकू अयूमतेरा।

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

उदुःतो कताकून 1:11

“आम ञेलता हना मीटोंग कागदरेम ओजाःगे अरू सातगोटोंग कलसियारिकुःआ होड़कू एचेरेम इदीगोड। इपीसी सहर, इसमुरना सहर, पिरगामून सहर, थायतिरा सहर, सरदीस सहर, पिलादिलपिया सहर अरू लउदिकिया सहररे इदानकुःआ हँकुःआ कलसियारिकुःआ होड़कू एचेरे नाःआ सरवनमे इदीगोड।”

2 कुरिंती 1:8

दो ईंगरिकुःआ अजी बोपोहकूतिंग, अलिंग आसिया राइजरेलिंग सहावतेरा हना कटसिया बदीरे अपे अनसिनहार अलोपे दोहोन लगालिंग चहाःतना। अलिंग मेरलिंग सहाव अवेय हना इया कटसियाते अलिंग जीव मुरुक ओंगोल कुहकाःआ, अरू गोनेग जुवाःता माःआनलिंग ओंगलेःआ।

1 कुरिंती 16:19

आसिया राइजराः कलसियाकूनरिकुःआ होड़कू अपेकू सलामतना। अपे परबू एचेरेपे बिसवासगेतना। हनालगा अकवीला अरू हाँयरीग अइमी पिरिसकीराः ओड़ाःरेकू दुड़ुःता हँकुःआ बिसवासी होड़कू सुदा अपे हिया घड़ीनकू सलामपेतना।

रूमी 16:5

हँकिन ओड़ाःरेकू जुमाःता हँकुःआ जमा बिसवासी होड़कू ईंग अगीतेपे सलामगोडकू। इपेनितूस ईंगरीग दुलार सउंगता हवे। हाँय आसिया राइजरे जमाकू अते मड़ंग, ईसू मसी एचेरेय बिसवासकेरा। अपे हाँयपे सलामगोड।

मूक चेलाकू 20:18

हँकू हाँय एचेरेकू सोदोरनेन दो हाँय हँकू मसी सलामतेडकूखने कताया, “अपे नपायतेपे सुदीयतना मड़ंग दिनरे ईंग आसिया राइजरेयिंग अपे सुदा दोहोना हना जमा बेला करा उड़ीयिंग जियावनेना।

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

मूक चेलाकू 19:31

पउलूसरिकुःआ सउंगताकू दोहोना हना देसरिकुःआ अदोम हातपात होड़कू हों हाँय हना अखरारे अहाय सेन लगाकू रोंकावतिडिया।

मूक चेलाकू 19:27

नुँहू जगल इदा अबूराः बुता अरू फेरवइत लाय जुवाःता अरू जमा आसिया राइजरिकुःआ होड़कू अरू चउंदीसरिकुःआ होड़कू जागेयतना हाँयग मरंग देबी अरतिमीस अरू हाँयराः मंदिर हों होड़कू एरंगवाता।”

मूक चेलाकू 7:2

दो इसतपनूस कतातेड, “ईंगरिकुःआ वपक बोपोहकूतिंग अरू इसराएल होड़कूराः मरंग पंचाइतरिकुःआ होड़कू, अपे ईंगपे अयूम। अबूरीग खुटिपरिया होड़ इबराहीम मेसोपोटोमिया देसरेय दोहोन मेला भगवान हाँय एचेरे दरसननेनखने कतातेरा,

मूक चेलाकू 2:8

दो करा उड़ी हँकू अँननबू अबूराः भासीरेकू बड़रातना अरूबू अयुमेतना?

मूक चेलाकू 20:4

बिरिया सहररीग पिरूसरीग बेटात सोपतरोस, अरिसतरकूस, तिसलूनिका सहररीग सिकंदूस, दिरबेरीग गायूस, आसिया राइजरिकिनाः तुकिकूस अरू तुरोपिमूस, अरू तिमुतियूस, हँकू जमाकू हाँय सुदाकू सेनेडा।

मूक चेलाकू 21:27

सात दिन होनोयाः बेला आसिया राइजरिकुःआ तोनोंग तोनोंग एहूदाकू पउलूस भगवानराः ओड़ाःरेकू ञेलतिरिया। हँकू जमा होड़कू पउलूस बदीरे कड़ीगकू एचे रेमा अरू हाँयकू साबतेरा,

मूक चेलाकू 24:18

अलेराः रिती-बिधी इया सुदकियानखन नाःआ जमाकूनिंग एने एएमेःआ मेला आसियारिकुःआ अदोम एहूदाकू भगवानराः ओड़ाःरे ईंगकू वेग ञामतेरा। अरू हनमेला ईंग एकलायिंग दोहोना अरू तोनोंगाः हलो-गदोड़ीरे मेरिंग मेसागान।

मूक चेलाकू 27:2

दो अले अदरमितियूम सहर अते वेजेडा मीटोंग जहाजरे देगनेनखन आसिया राइजराः सियाँ सरहद होरते समुंदररे सेन लगाले बुँहड़ीतेरा। अरू अले सुदा अरिसतरकूस होंय दोहोना। हाँय मकिदुनिया राइजराः तिसलूनिका सहररीग होड़े दोहोना।