मूक चेलाकू 2:47 - Korwa Bible

⁴⁷ हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।

मूक चेलाकू 2:47 Referans Kwoze

मूक चेलाकू 16:5

नानाः इया हंडाकुःआ बिसवासी होड़कू ईसू मसीराः बिसवासरेकू बड़ियाड़यान अरू मुरुक होड़कू ईसू एचेरेकू बिसवासतेरा।

1 कुरिंती 1:18

कुरूसराः सरवन लाय एंडन होड़कू लगा बुयांग बड़रा हवे, मनदो अबू भगवानते एचे सडावगुः होड़कू लगा हना सरवन भगवानराः जंगर उदुःता।

मूक चेलाकू 2:41

हाँयराः सरवनकू कबुलावयना, हँकुःआ होड़कू बतिसमाकू गोःतेरा अरू हना दिन पेय हजार होड़कू बिसवासी होड़कू सुदाकू मेसानेना।

मूक चेलाकू 2:39

नाःआ जबान अपे लगा अरू अपेरिकुःआ लइंकू लगा अरू लंकारे इदानकुःआ हँकुःआ होड़कू लगा, अबूरीग परबू भगवान राःकूता हँकुःआ जमा होड़कू लगा इदा।”

रूमी 14:18

नाःआ इया ईसू मसीय सेवाता हाँयग होड़ भगवानराः ओंगोलरे अरू होड़कूराः ओंगोलरे हों नपाये दोहोनता।

मूक चेलाकू 11:24

हाँयग बरनाबास नपाय होड़े दोहोना। हाँय सुद बिरुवाते पेरेगतोय दोहोना अरू बिसवासरे बड़ियाड़ होड़े दोहोना अरू मुरुक होड़कू हाँयते परबू ईसू एचेरेकू बिसवासतेरा।

मूक चेलाकू 13:48

नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

रूमी 9:27

भगवानराः बड़रा कता होड़ एसयाह हों इसराएल होड़कू बदीरे हुमइसकेय कतातेरा, “इसराएलरिकुःआ होड़कू समुंदरराः बितील इयाकू बनागराबाः जुवाःतान हों, हनामिन अते अनादोम होड़कू बनसाःता।

रूमी 8:30

भगवान मनाड़ंगतेय सुनाव दोहोकेडकुःआ हँकुःआ होड़कू अनँयग एचेरेय राः अगुकेडकुःआ अरू फड़ियावतो होड़कूय बड़ाँवगोतेडकुःआ। हनते हाँय हँकू होंय मान मरजइतकेडकुःआ।

लूका 2:52

ईसू कनहूनरेय बडेनेना अरू आँयग जीव बड़ियाड़यान। भगवान अरू एटाः होड़कूराः ओंगोलरे हाँय नपाये दोहोना।

मूक चेलाकू 4:21

भगवान हाँयग ठुठा होड़े नपायतेरा अरू हनाते जमा होड़कू भगवानकू जागगोड ञवना। हनालगा हँकुःआ मूक होड़कू हँकिन मेरकू डंडियाव अवेगाड। अरू हँकू हँकिन अरूकू हुड़कावतेडखनकू अड़ाःगोतेडकिन।

मूक चेलाकू 4:33

हँकुःआ मूक चेलाकू परबू ईसू गोएगतो होड़कू अतेय जियाव रेमकिया हना कता बदीरे मुरुक जंगरते हिदइतकू उदुःगोड ञवना। दो भगवान हँकुःआ जमा बिसवासी होड़कू मुरुके मयावातेडकुःआ।

लूका 19:48

मनदो जमा होड़कू ईसूराः कता नपायतेकू अअयूमा। हनालगा हँकू तोनोंगाः एचे लगा दोंग मेरकू ञाम अवेगाड।

मूक चेलाकू 4:4

मनदो नपाय सरवनकू अयूमतेरा, हँकुःआ होड़कू अते मुरुक होड़कू बिसवासतेरा अरू हँकुःआ होड़कू अंदांज पाँच हजार होड़कू दोहोना।

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

मूक चेलाकू 6:7

दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।

मूक चेलाकू 9:31

हना तयोमरे एहूदिया छतररिकुःआ, गलील छतर अरू समरिया छतरराः कलसियारिकुःआ होड़कू सलसतरेकू दोहोना। अरू भगवानराः सुद बिरुवा हँकुःआ होड़कूराः जीव बड़ियाड़गोतेड अरूय कता बहालगोतेड। हँकू परबूराः अकूस मनाः घड़ीनकू दोहोना अरू मुरुक होड़कू हों बिसवासी होड़कूकू बड़ाँवनेना।

मूक चेलाकू 9:35

लुदा गाँव अरू सारोन सहररिकुःआ मुरुक बगरा होड़कू नाःआ ञेलतेडखन परबू एचेरेकू बिसवासतेरा।

मूक चेलाकू 11:21

भगवान हँकू सुदाय दोहोना अरू बेगर एहूदाकू मुरुक होड़कू कसूर अते जीव कुदातेडखन परबू ईसू एचेरेकू बिसवासतेरा।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

मूक चेलाकू 14:21

दो पउलूस अरू बरनाबास दिरबे सहररिकुःआ होड़कू एचेरे भगवानराः नपाय सरवनकिन परसार उदुःतेरा अरू मुरुक बगरा होड़कू ईसू एचेरे बिसवासकेडखन चेलाकू बड़ाँवयान। हनते हँकिन लिसितरा सहर, इकुनियुम सहर अरू पिसिदिया छतरराः अंतकिया सहररेकिन कुदा सेनेडा।

मूक चेलाकू 17:12

मुरुक एहूदाकू अरू मुरुक मरंग मरंग बेगर एहूदाकू, मरदकू अरू अइमीकू हों ईसू एचेरेकू बिसवासतेरा।