मूक चेलाकू 2:43 - Korwa Bible

⁴³ ईसूरिकुःआ मूक चेलाकू मुरुक बयाव जुवाः इयाःआ बुताकूनकू एचेःआ अरू जमा होड़कू बयावनेनखनकू बोरोयान।

मूक चेलाकू 2:43 Referans Kwoze

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।

लूका 8:37

हँकू मुरुककू बोरोयान अरू गरासीन छतररिकुःआ होड़कू ईसू एचेरेकू कतातेड, “आम अले सिमान अते सलाव जुवाःमे।” दो ईसू अरू आँयगरिकुःआ चेलाकू सेन लगा डोंगारेकू देगनेना।

लूका 7:16

हना ञेलवाडखन जमा होड़कू बोरोयानकू। अरू हँकू भगवान जागवाडखनकू कताया, “मी होड़ मरंगीग भगवानराः बड़रा कतायीग होड़ अबू तलारेय वेगकिया अरू भगवान अनँयग होड़कूय मयावारा।”

मरकूस 16:17

बिसवासगेता, हँकुःआ होड़कू नाःआ जमाकूनकू चिनहा इयाकू एचे अवेता। हँकू ईंग ञावते भूतकूकू एचे उडुंगगोडता अरू हँकू एटाः एटाः नँवा नँवा भासीकू बड़राता।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।

मूक चेलाकू 4:33

हँकुःआ मूक चेलाकू परबू ईसू गोएगतो होड़कू अतेय जियाव रेमकिया हना कता बदीरे मुरुक जंगरते हिदइतकू उदुःगोड ञवना। दो भगवान हँकुःआ जमा बिसवासी होड़कू मुरुके मयावातेडकुःआ।

मूक चेलाकू 9:34

दो पतरस हाँय एचेरेय कताया, “एनियास, ईसू मसी आमे नपायगोडता। नुँहू रेमकियानखन आम पटिया कोंडोड़गेमे।” हननमेला हाँय रेम चड़ाँयान।

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

मूक चेलाकू 5:5

हनानियाह नाःआ कता अनायूम मेला कसड़नेनखने गोएगयान। अरू नाःआ कताकू अयूमतेरा हँकुःआ जमा होड़कू मुरुककू बोरोयान।