मूक चेलाकू 2:33 - Korwa Bible

³³ हाँय जमाकू अते मरंग तुलाकिडिगखन भगवान आँयग खउना तिःई गतरे हातपात सुदाय एचे दुड़ुःकिरिया। मड़ंगरे अपांग भगवान जबानतेरा हाँयग सुद बिरुवा भगवान अते ईसू पवावनेनखन अपे अयुमेतना अरूपे ञेलतना हना अले एचेरेय वारगोतेडा।

मूक चेलाकू 2:33 Referans Kwoze

मूक चेलाकू 1:4

मी दिन ईसू आँयग चेलाकू सुदा जोजोम मेला हँकू एचेरे नाःआ हुकुमे एमेतेरा, “एरुसलेम सहर अते अपे अहापे सेन। मनदो भगवान जबानकेरा हना पवाः लगा ननंडापे तंगीगोड ञवन। अरू नाःआ कता बदीरे ईंग अपे एचेरे मड़ंगरेयिंग कतातेरा।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

मूक चेलाकू 2:17

भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

1 पतरस 3:22

दो ईसू मसी सेरमो देस अगी तोराया अरू नुँहू हाँय भगवानराः खउना तिःई गतररेय दुड़ुःकिया। सेरमो देसरिकुःआ बराहीलकू अरू जमा हातपातदारकू अरू अबू मेरबू ञेल अवेकूता हँकुःआ जंगरदार भूतकू, हँकू जमाकू हाँयराः आड़रेकू सलाःतना।

गलातिया 3:14

ईसू मसी अबूय सडावकेड अते, भगवान इबराहीमराः जीव-जहने नपायतेरा। हनन इया हाँय बेगर एहूदाकूराः जीव-जहन होंय नपायकेरा, जेमहा भगवान जबानतेरा हाँयग सुद बिरुवा अबू बिसवासकेड अतेबू पवाः।

मूक चेलाकू 10:45

पतरस सुदा हंडाकू वेजेडा हँकुःआ एहूदा बिसवासी होड़कू बेगर एहूदाकू हों सुद बिरुवातेकू पेरेगनेनखन,

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

एहुना 14:16

अरू ईंग अपांग एचेरेयिंग अरजीगेता अरू हाँय अपे लगा अरू एटाःयीग संघरादारे वारता। हाँय अपे कहियो ओरोय अड़ाःतेडपेःआ।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।

इबरानी 10:12

मनदो मसी मिनी तुरहा सगर सइट लगा होड़कूराः कसूरकून बराव एंडा लगाय बलिदाननेना। अरू हना तयोमरे भगवानराः खउना तिःई गतररेय दुड़ुःयना।

रूमी 5:5

भगवान अनँयगराः सुद बिरुवा अबू लगाय एमेकेरा अरू हाँयग सुद बिरुवा अबूराः जीवरे भगवानराः दुलारे पेरेगकेरा। हनालगा अबू असरागेता, हनारे अबूराः जीव मेर हुडिंगगुःता।

तितूस 3:6

भगवान अबूरीग सडावदार ईसू मसीते आँयगराः सुद बिरुवा अबू लगा मिनी जीवकेडखने एमेकेरा,

इपीसी 4:8

भगवानराः कागदरे नाःआ इया ओजाःतो इदा, हाँय अनँयगराः उनुसूल ततेररेय रकबयान, अरू तोलतो होड़कू गुतु गुतुय गोःयाडकुःआ। अरू अनँयगरिकुःआ होड़कू लगा दहिनकूने एमेवाडकुःआ।

एहुना 17:5

दो ने अपांग, चउंदीसमे तुला अते मड़ंगरे ईंग आम सुदायिंग दोहोना, हनन मेलाःआ मान मरजइत नुँहू एमेवायिंगमे।

एहुना 15:26

मनदो संघरादार, ईंग अपांग अगीते अपे एचेरेयिंग वारेयता, हाँय अपे एचेरेय वेग मेला ईंग बदीरेय कता उदुःगेता। हाँय भगवान अगीतेय वेगता हान सतायराः बिरुवा हवे।

लूका 24:49

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

इबरानी 2:9

मनदो अबू ईसूबू ञेलता। दो गुनमिन बेला लगा हाँय सेरमो देसरिकुःआ बराहीलकू अते भगवान हुडिंगे बड़ाँवतिरिया, जेमहा हाँय भगवानराः मयाते जमाकू लगा गुजुःए अटकार अवे। अरू नुँहू हाँय गुजुः सहावतेडखन मान मरजइते पवावकिया अरू मरंगे बड़ाँवयना।