मूक चेलाकू 2:17 - Korwa Bible

¹⁷ भगवान कतायतना, चउंदीस टुटीगगुःता हना अते मड़ंग दिनरे, जमा होड़कू एचेरे ईंग ईंगराः सुद बिरुवायिंग वारगोडता। अपेरिकुःआ बेटा बिटीकू, दरवाःआ हना कताकूनकू कहड़ीता, अपेरिकुःआ डिंघा लइंकू दरसनकू ञेलता, अरू अपेरिकुःआ सपायाड़कू सपनाकू ञेलता।

मूक चेलाकू 2:17 Referans Kwoze

मूक चेलाकू 10:45

पतरस सुदा हंडाकू वेजेडा हँकुःआ एहूदा बिसवासी होड़कू बेगर एहूदाकू हों सुद बिरुवातेकू पेरेगनेनखन,

एहुना 7:39

हाँय एचेरेकू बिसवासगेता हँकुःआ होड़कू लगा भगवान एमेयता हाँयग सुद बिरुवाराः बदीरेय कताया। हना बेला वरी भगवान अते ईसू मरंग मान मरजइत अरीने पवाः। हनालगा बिसवासतेराकू हँकुःआ होड़कू लगा सुद बिरुवा अरीने ओवाकुःआ।

इबरानी 1:2

मनदो नाःआ टुटीगगुः अते मड़ंगाः दिनरे भगवान अनँयगरीग बेटातते अबू सुदाय बड़राकिया। आँयगरीग बेटात जमा जिया-जइतकूनरीग इताडदार हवे अरू हाँय अते जमा राइजबड़ी भगवान तुलाकेरा।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

लूका 3:6

अरू जमा होड़कू ञेलतकू भगवान होड़कू करा इयाय सडावकूता, हना।

मूक चेलाकू 21:9

हाँयरिकुःआ चइरगोटोंग बिटीकू दोहोना। हँकू डिंडाकू दोहोना अरू भगवानराः बड़रा कता अइमीकू दोहोना।

2 पतरस 3:3

मड़ंगरे नाःआपे सुदीका, चउंदीस टुटीगगुःता हना अते मड़ंग दिनरे अँननकूराः कसूर ओंगोल इयाकू सलाःता हँकुःआ लंदा-एरंग होड़कू वेगता।

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

रूमी 5:5

भगवान अनँयगराः सुद बिरुवा अबू लगाय एमेकेरा अरू हाँयग सुद बिरुवा अबूराः जीवरे भगवानराः दुलारे पेरेगकेरा। हनालगा अबू असरागेता, हनारे अबूराः जीव मेर हुडिंगगुःता।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एकूब 5:3

अपेराः सोना अरू चाँदीकून हों किचियावयना। सेंगेलते मास लो ओब जुवाःता हनन इया अपेराः जीव लायगोडता अरू अपेराः सोना चाँदीकूनराः किचियावतो अपे बदीरे हिदइत इया दोहोनता। हनते हों अपे चउंदीसराः टुटीगगुः बेलारे आन-धानपे बटुड़ावकेरा।

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 2:16

मनदो नाःआ कता भगवानराः बड़रा कतायीग होड़ ओवेल कतातेरा हना कता हवे,

मूक चेलाकू 2:18

ईंगरिकुःआ सेवकियाकू अरू सेवकियायीनकू एचेरे ईंगराः बिरुवायिंग वारगोडता अरू हँकू दरवाःआ हना बड़राकू कताता।

मूक चेलाकू 2:33

हाँय जमाकू अते मरंग तुलाकिडिगखन भगवान आँयग खउना तिःई गतरे हातपात सुदाय एचे दुड़ुःकिरिया। मड़ंगरे अपांग भगवान जबानतेरा हाँयग सुद बिरुवा भगवान अते ईसू पवावनेनखन अपे अयुमेतना अरूपे ञेलतना हना अले एचेरेय वारगोतेडा।

मूक चेलाकू 11:27

हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।