मूक चेलाकू 2:11 - Korwa Bible

¹¹ एहूदाकू अरू एहूदा धरमरेकू बोलोयान हँकुःआ बेगर एहूदाकू, करेत डुगुरिकुःआ अरू अरब देसरिकुःआ होड़कू हों इदानबुःआ। मनदो नँकुःआ होड़कू भगवान एचेतेरा हना मरंग मरंग बुताकून अँननबू अबू भासीरेकू कतायतना हनाबू अयुमेतना।”

मूक चेलाकू 2:11 Referans Kwoze

1 कुरिंती 12:10

अरू एटाः होड़कू बयाव जुवाः इयाःआ बुताकून एचे लगा अरू एटाः होड़कू भगवानराः बड़रा कता होड़कू होयाः लगा सुद बिरुवा दहिन एमेवाकूता। तोनोंग तोनोंग होड़कू सुद बिरुवाराः बड़रा अरू भूतकूराः बड़रा अंदजाव लगा अरू तोनोंग तोनोंग होड़कू अनबुझ भासीकून बड़रा लगा अरू तोनोंग तोनोंग होड़कू अनबुझ भासीकूनराः अरत बुझाः लगा दहिनकू पवाःता।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

तितूस 1:12

करेत डुगुरीग मी होड़ मरंगीग सुधिया होड़ अँननकू बदीरेय कतातेरा, करेत डुगुरिकुःआ होड़कू सगर बेला लबरा बड़राकू बड़राता, अरू बेलूर पहाड़ जानरकू इया जोम असगतिया होड़कू इदानकुःआ।

तितूस 1:5

ने बेटा, ईंग करेत डुगूरे आमिंग अटूतेडमेःआ, जेमहा कलसियाराः बुता मेरिंग चबा अवेगाड हना बुता चबागे लगा अरू ईंग कतावातेडमेःआ हनन इया, जमा सहरकूनराः कलसियारे अगुवा होड़कूम सुनावकू।

मूक चेलाकू 27:12

जहाजकूनकू रोंकावता हना ततेर ररंगराः बेला गुदराव लगा नपाय मेर दोहोगान, हनालगा जहाजरे दोहोना हँकुःआ होड़कू अते मुरुक होड़कू कताया, “अबू नाःआ ततेर अते सेन लगा इदा। दो अबू पिनीस सहरराः जहाजकूनकू रोंकावता हना ततेररे ररंग बेला अते मड़ंगरेबू सोदोर जुवाःता।” हना सहर करेत डुगुराः दखिन-पछिम अरू उतर-पछिम अगी दोहोना।

मूक चेलाकू 27:7

अले मुरुक दिन गते-गात सिकिसताते सलाव घड़ीन कनिदूस सहररेले सोदोरनेना। होयते अले मड़ंग अगी मेरले सेने अवेना। हनालगा अले सलमोन सहरराः लेनेसानते करेत डुगुराः ओधारेले सेना।

गलातिया 4:25

हजीरा अरब देसराः सीनाई पहाड़ इया इदानिया अरू हना पहाड़ चउंदीसराः एरुसलेम सहरते अउल-तउलतो इदा। अरू हँकुःआ एहूदाकू हों नियमकूनकू मनाः घड़ीन बेगारी होड़कू इया इदानकुःआ।

गलातिया 1:17

अरू ईंग अते मड़ंग ईसूरिकुःआ मूक चेलाकू बड़ाँवनेना, हँकुःआ होड़कू एचेरे एरुसलेम सहर अगी मेरिंग सेनेगान, मनदो अरब देसिंग सेनेडा अरू हंडा अते दिमसकूस सहरिंग कुदा वेजेडा।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

मूक चेलाकू 2:10

अरू पुरगिया राइजरिकुःआ अरू पंपुलिया राइजरिकुःआ अरू मिसिरी देसरिकुःआ अरू कुरेन सहरते लेसानाः लिबिया देसरिकुःआ, नाःआ जमा देसरिकुःआ होड़कू; रूमी मरंग सहर अतेकू वेगकिया हँकुःआ गुतियाकू,

मूक चेलाकू 2:12

हँकुःआ जमा होड़कू बयावयान अरू बोरोनेनखनकू होंबोर होड़ेंगा, “नाःआ चिला होयाःतना?”

मूक चेलाकू 27:13

दखिन अगीते होय गुन लकन सलाःआ, दो हँकुःआ जहाज सलावदारकू ओंगोलतेड, अबूराः ओंगोल इया होयाःतना, माःआन। हनते हँकू हना लंगर जहाजरेकू रेमगोतेड अरू करेत डुगुराः धरी धरीकू सेना।