मूक चेलाकू 2:1 - Korwa Bible

¹ पिंतिकूसतराः परोब सोदोरनेन दो जमा बिसवासी होड़कू मिनीरेकू जुमावनेन।

मूक चेलाकू 2:1 Referans Kwoze

रूमी 15:6

नाःआते अबू जमाकू मिनी जीवकियानखन अबूरीग परबू ईसू मसीरीग अपांग भगवानबू जाग अवेयता।

पिलिपी 2:2

दो अपे मिनी जीवते अलार-दुलार होड़ेंग घड़ीन, मिनी ओंगोल अरू चाहाःतेपे दोहोन, जेमहा ईंगराः जीव बनाहालते पेरेग जुवाः।

पिलिपी 1:27

तोनोंग इया होयाः, अपेराः लूर-नेवन ईसू मसीराः कतत नपाय सरवन इया होनोयाः लगा इदा। दो ईंग अपे एचेरेयिंग सेन सहे मेरिंग सेन, अपे बदीरेयिंग अयुमे, हँकू बिसवासरे बड़ियाड़ इदानकुःआ। ईंग नाःआ होयिंग अयुमे, हँकू मिनी जीवकियानखन मिनी ओंगोलते, ईसू मसीराः नपाय सरवन एटाः होड़कू बिसवासगे लगा, मुरुककू मिहनइतगेतना, माःआन।

1 कुरिंती 16:8

ईंग पिंतिकूसतराः दिन वरी इपीसी सहररेयिंग दोहोनता।

मूक चेलाकू 4:32

जमा बिसवासी होड़कू मिनी जीव अरू ओंगोलतेकू दोहोना। तोनोंगीग मेरकू कतागाड, नाःआ जिनिसकून ईंगराः हवे, माःआन। मनदो हँकू एचेरे दोहोना हना जमा जिनिसकून बरोबइरकू हटिंग होड़ेंगा।

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

मूक चेलाकू 4:24

नाःआ कता बिसवासी होड़कू अयूमतेरा दो, हँकू मिनीनेनखन हुमइसके भगवान एचेरेकू अरजीतेरा, “ने भाबी भगवान, आम सेरमो देस, ओत, समुंदर अरू जे हों सकालाः हनारे इदा हना जमाकूनमे तुलाकेरा।

मूक चेलाकू 5:12

ञेनेल ञेलरे होड़कू नपाय जुवाःता हना चिनहाकून अरू बयाव जुवाः इयाःआ बुताकून होड़कू तलारे मूक चेलाकू मुरुककू एचेया। अरू जमा बिसवासी होड़कू भगवानराः ओड़ाःराः राचरे सुलइमान ञावराः परछी पेंदारेकू जुमाव हड़ाःआ।

मूक चेलाकू 2:46

सगर दिन हँकू भगवानराः ओड़ाःरे संगइती लगा मिनीकियानखनकू जुमाःआ। हँकू ओड़ाःरे रुटीकू डुंडीगा अरू मिनी जीव अरू बहालतेकू जोम इदीया।

मूक चेलाकू 1:5

एहुना अपे दाःते बतिसमाय एमेवातेडपेःआ, मनदो तोनोंग दिन तयोमरे भगवान अपे सुद बिरुवाते बतिसमाय एमेवापेता।”

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 4:31

हँकू अरजीतेड हना तयोमरे हँकुःआ होड़कू दोहोना हना ततेरराः ओत डोलावनेना। हनते हँकुःआ जमा होड़कूराः जीव भगवानराः सुद बिरुवाते पेरेगयान अरू भगवानराः सरवन होड़कू एचेरे डीड़तेकू कता उदुःतेरा।