मूक चेलाकू 19:21 - Korwa Bible

²¹ नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 19:21 Referans Kwoze

मूक चेलाकू 20:22

मनदो नुँहू सुद बिरुवा ईंगे उदुःवातेडिंगा इया ईंग एरुसलेमिंग सलाःतना। हंडा ईंगराः जीवरे चिला होयाःता हना ईंग मेरिंग सुदीयतना।

मूक चेलाकू 20:16

होनायाःकून करे पिंतिकूसतराः दिन अते मड़ंग ओहेन एरुसलेम सुदुरुः लगा पउलूस ओंगोलतेरा। हनालगा हाँय आसिया राइजरे दोहोन अते इपीसी सहर जहाजते सेने पार लगाय ओंगोल दोहोतेरा।

मूक चेलाकू 23:11

एटाः रइत परबू ईसू पउलूस एचेरे चड़ाँनेनखने कताया, “ने पउलूस, ड़ीड़तेम दोहोन! आम एरुसलेमरे ईंगरीग हिदइतदारमे बड़ाँवनेना हनन इया आम रूमी सहररे हों ईंगरीग हिदइतदारमे दोहोनता।”

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

मूक चेलाकू 18:21

मनदो हाँय सेन मेला हँकू एचेरे नाःआ इयाय कतातेरा, “भगवानराः ओंगोल इदान दोयिंग कुदा वेगता।” हनते हाँय इपीसी सहर अते जहाजते तोराय।

1 तिसलूनिका 1:7

नाःआते मकिदुनिया राइजरिकुःआ अरू अकाया राइजरिकुःआ बिसवासी होड़कू, अपे इया नपाय जीवकू जियाः लगा चिनहापे बड़ाँवयना।

गलातिया 2:1

चउदाह बरिस तयोमरे ईंग बरनाबास सुदा एरुसलेमिंग सेनेडा अरू तितूस हों ईंग सुदायिंग गोःतिरिया।

1 कुरिंती 16:5

ईंगके मकिदुनिया देस पार सेन लगा इदा। हना तयोमरे अपे सुदायिंग जुमाःता।

रूमी 1:15

हनालगा ईंग रूमी सहररिकुःआ होड़कू एचेरे हों नपाय सरवन उदुःवाकू लगायिंग तरसाःतना।

मूक चेलाकू 28:16

अले रूमी सहररेले सोदोरनेन दो हातपात होड़कू पउलूस एकला मीटोंग ओड़ाःरे दोहोन लगाकू ओवातिरिया, मनदो हाँय सुदा हाँये अगुराःआ हाँयग मी होड़ सइना होड़ होंय दोहोना।

मूक चेलाकू 27:24

ने पउलूस, अहम बोर। आम कइसर मरंग राजाराः मड़ंगरे फड़ियाव लगा चनाँड़न इदा। आम सुदाकू सलाःतना, हँकुःआ जमा होड़कू भगवान आमे जिमावारा, माःआन।

मूक चेलाकू 27:1

अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

मूक चेलाकू 21:17

एरुसलेमरेले सोदोरनेना दो जमा बिसवासी होड़कू बहालतेकू नेत-नेवारतेडलेःआ।

मूक चेलाकू 21:4

हना वरीते अले हंडाकुःआ तोनोंग तोनोंग बिसवासी होड़कू सुदाले जुमावनेना अरू हँकू सुदा सात दिन वरीले दोहोना। भगवानराः सुद बिरुवाते हँकू पउलूस एरुसलेम अलोय सेन लगाकू कतातेरा।

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 16:12

हंडा अले जहाज अते उतरावनेनखन पिलिपी सहर दुनूर दूरले सेनेडा। हना सहर मकिदुनिया राइजराः मीटोंग मरंग सहर दोहोना अरू रूमी देसरिकुःआ होड़कू हंडा मुरुककू दोहोना। अरू अले दो मुरुक दिन वरी हंडाले दोहोना।

मूक चेलाकू 19:22

हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

रूमी 1:11

अपे ञेल लगा उंभराव घड़ीनिंग दोहोनतना। सुद बिरुवाराः तोनोंग तोनोंग दहिनकून अपेयिंग एमेवा लगा होयिंग चहाःतना, जेमहा अपेराः बिसवास बड़ियाड़ जुवाः।

1 कुरिंती 4:19

मनदो परबूराः ओंगोल इदान दो, अपे एचेरे ओनोहेनिंग सेनता। हनते हँकू बड़वारता हना कता सताय हवे जा कोवान, अरू भगवानराः जंगर हँकू एचेरे इदा जा कोवान, हना ईंग अता-पतागोडता।

2 कुरिंती 10:16

जेमहा अले अपेराः सिमान अते एटाः अगी सेनेकियानखन नपाय सरवन अरू बगराले परसार अवेय। हनालगा अले तोनोंगीग होड़राः सेवा बदीरे बड़वार लगा मेरले चहाःतना।