मूक चेलाकू 19:19 - Korwa Bible

¹⁹ अरू मुरुक बगरा होड़कू जादू मंतरकू लगावा हँकुःआ होड़कू अँननकूराः धामराः सकलाकूनकू अगू जुमावतेरा अरू जमा होड़कू मड़ंगरेकू बाल लो एंडागोतेड। हना धामराः सकलाकूनराः किमइतकू जोड़ावतेरा दो पचास हजार चाँदीराः रिचकी ढिबुवा मिन दोहोना।

मूक चेलाकू 19:19 Referans Kwoze

मूक चेलाकू 13:8

दो हाँयग जादो होड़ हँकिने घंटावतेरा अरू हाँयग मरंग हातपात होड़ भगवानराः सरवन बिसवासगे अते रोंकावगेय लगाय चहाःआ।

मूक चेलाकू 13:6

हँकू हना डुगुराः एटाः एटाः ततेर पारनेनखन पाफूस सहर वरीकू सोदोरनेना। हंडा मी होड़ होड़ दोहोना। हाँयराः ञाव दोहोना बर-ईसू अरू उनानी भासीरे हाँयराः ञाव दोहोना एलीमास। हाँय एहूदा होड़े दोहोना अरू हाँय जादो होड़ अरू भगवानराः बड़रा लबराते कतायीग होड़े दोहोना।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

लूका 14:33

अपे ईंगपे अयूम। नाःआ इया तोनोंगीग अनँयगराः जमा जइतकून मेरेय अड़ाःगे दो, हाँय ईंगरीग चेला ओरोय बड़ाँव अवेनेना।

लूका 15:8

मी होड़ अइमी एचेरे दसटोंग रिचकी ढिबुवा दोहोना। हना अते मीटोंग केड़े जुवाःता दो, हाँय चिलाय एचेता? दो हाँयग अइमी ढिबरी सलगावकेडखन ओड़ाःए जोःता अरू हना केड़ेत रिचकी ढिबुवा अरीने ञाम वरीय सपागोड ञवनता।

मूक चेलाकू 19:18

ईसू एचेरेकू बिसवासतेरा हँकुःआ होड़कू अँकूराः कसूरकून जमाकू तलारे बकावनेनखनकू कबुलावनेना।