मूक चेलाकू 19:11 - Korwa Bible

¹¹ भगवान पउलूसते मुरुक बयाव जुवाः इयाःआ बुताकूने एचेःआ।

मूक चेलाकू 19:11 Referans Kwoze

मूक चेलाकू 5:12

ञेनेल ञेलरे होड़कू नपाय जुवाःता हना चिनहाकून अरू बयाव जुवाः इयाःआ बुताकून होड़कू तलारे मूक चेलाकू मुरुककू एचेया। अरू जमा बिसवासी होड़कू भगवानराः ओड़ाःराः राचरे सुलइमान ञावराः परछी पेंदारेकू जुमाव हड़ाःआ।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

मूक चेलाकू 8:13

सिनिमोन हों बिसवासतेडखन बतिसमाय गोःतेरा। हनते हाँय पिलिपे ओतोंग सेनेडा अरू ञेनेल ञेलरे होड़कू नपाय जुवाःआ अरू बयाव जुवाः इयाःआ बुताकून ञेलतेडखने बयावयान।

मूक चेलाकू 16:18

नाःआ इया मुरुक दिन वरी होयानेना। दो मी दिन पउलूस मुरुके रीसनेन अरू हाँय उलटावनेनखन हाँयग भूत एचेरेय कताया, ईसू मसीराः ञावरे ईंग आम एचेरेयिंग कतायतना, नाँयग धंगड़ीतेम उडुंग जुवाः, माःआन। अरू हननमेला हाँय उडुंगनेना।

गलातिया 3:5

ईंग अपे एचेरे अरूयिंग होंबरेतना। भगवान अपे सुद बिरुवाय ओवाडपेःआ अरू अपे तलारे बयाव जुवाः इयाःआ बुताकूने एचेकेरा। अपे नियमपे मनाः अते भगवान नाःआ जमाकूने एचेकेरा जा? कोनोवान। अपे ईसू मसीराः नपाय-सरवनपे बिसवासकेड अते भगवान नाःआ जमाकूने एचेकेरा।

मूक चेलाकू 15:12

हना तयोमरे पउलूस अरू बरनाबास, भगवान बेगर एहूदाकू एचेरेय एचेतेरा हना जमा चिनहाकून अरू बयाव जुवाः इयाःआ बुताकूनकिन कता उदुःतेरा दो जमा बिसवासी होड़कू कलेकालयान अरू हँकिनराः बड़राकू अयूमतेरा।

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

एहुना 14:12

अपे ईंगपे अयूम! मी होड़ ईंग एचेरेय बिसवासगेता दो, ईंग एचेयता हनानाः बुता हाँय होंय एचेयता। ईंग अपांग एचेरेयिंग सेनता। हनालगा हाँयग होड़ ईंग अते हों मरंग मरंग बुताय एचेयता।