मूक चेलाकू 18:5 - Korwa Bible

⁵ मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

मूक चेलाकू 18:5 Referans Kwoze

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

मूक चेलाकू 18:28

हाँय एहूदाकू सुदा भगवानराः कागद अतेकू कता होड़ेंगा अरू हना कागद अते ईसू, मसी हवे माःआने उदुःवातेडकुःआ।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

मूक चेलाकू 17:3

हाँय हँकू एचेरेय कताया, “मसी मुरुक कटसिया सहावतेडखने गोएगनेन तयोमरे गोएगतो होड़कू अतेय जियाव रिमुः लगा दोहोना। दो ईंग परसार उदुःगेतना हाँयग ईसू, मसी हवे।”

मूक चेलाकू 9:22

मनदो साहूल अनउर नपायते परसारगे लगा भगवान संघराय एमेवातेरिया। हाँय भगवानराः कागद अते ईसू, मसी हवे माःआने एचे सतायगोतेडा। हनालगा दिमसकूसरेकू दोहोना हँकुःआ एहूदाकू हाँयराः कता बदला तोनोंगाः मेरकू कता कुदा अवेगाड।

पिलिपी 1:23

ईंग जीव दो बार बंटायना। मी जीव कतायतना, गोएगकियानखन ईसू मसी सुदा दोहोन लगायिंग तरसाःतना। ननानाः ईंग लगा मुरुक ननपाय होयाकुःआ।

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

1 पतरस 5:12

दो ईंगरिकुःआ अजी बोपोहकूतिंग, ईंगरीग बिसवासगेयीग सउंगता सिलवानूसराः संघराते, ईंग नाःआ हुडिंग चिठीयिंग ओजाःकेरा। अपेराः जीविंग कता बहालगे लगा अरू भगवानराः मया अबू जीव लगा सताय हवे माःआनपे सुदीबाःका लगायिंग ओजाःकेरा। दो अपे नाःआ सताय मयारेपे सनालावगोड ञवन।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

मूक चेलाकू 16:9

दो हना रइत पउलूस मीटोंग दरसने ञेलतेरा। हना दरसनरे मकिदुनिया देसरीग मी होड़ हाँय एचेरे चड़ाँनेनखने असेया, “मकिदुनिया देसमे वेग, अरू अलेम संघरावा।”

मूक चेलाकू 16:1

पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 10:42

अले जमा होड़कू एचेरे परसार उदुःगे लगा अरू जीयत इदनकुःआ हँकुःआ होड़कू अरू गोएगतो होड़कू फड़ियावकू लगा भगवान ईसूय सुनावकेरा, माःआन होड़कू एचेरे सेतावकेडकूखन कता उदुःवाकू लगा अलेय हुकुमवारा।

मूक चेलाकू 4:20

अलिंग ञेलकेरा अरूलिंग अयूमकेरा हना कता बदीरे अलिंग कलेकाल ओरोलिंग दोहोनेना।”

एहुना 15:27

अपे ईंग सुदा ईंगराः सेवा बुँहड़ी वरीतेपे दोहोना। हनालगा अपे हों ईंग बदीरे हिदइतपे कता उदुः।

एहुना 10:24

हनमेला एहूदाकू हाँय चँड़ा रेडतिडिगखनकू होंबरेया, “अलेराः जीव तुमिनमे बार बंटागेता? आम मसी हवे दो अले एचेरेम कता उदुःबाःगोड।”

एहुना 3:28

ईंग अपे एचेरेयिंग कतातेरा, ईंग मसी ना लवे, मनदो हाँय अते मड़ंग भगवान ईंगे वारकेरा। नाःआ कता अँननपे अपे ईंग अतेपे अयूमकेरा।

एहुना 1:41

मड़ंगरे हाँय आँयग वगात सिमोन सुदा जुमावनेनखने कताया, “अलंग मसी सुदालंग जुमावयना।” (इबरानी भासीरे मसीराः मतलोब सुनावतो होड़ हवे।)

लूका 12:50

मड़ंग ईंगके मीटोंग बतिसमा गोगोः लगा इदा। हना बतिसमा अरीन होयाः वरी ईंग जीव मुरुक कुंभलाःतना।

लूका 16:28

ईंगरिकुःआ पाँचगोटोंग बोपोहकू इदानकुःआ। लाजर हँकू एचेरे सेनेकियानखन कसूर अते जीवकू कुदा लगाय कता उदुःवाकूता, जेमहा हँकू नाःआ पीराराः ततेररे अलोकू वेग।

मूक चेलाकू 16:12

हंडा अले जहाज अते उतरावनेनखन पिलिपी सहर दुनूर दूरले सेनेडा। हना सहर मकिदुनिया राइजराः मीटोंग मरंग सहर दोहोना अरू रूमी देसरिकुःआ होड़कू हंडा मुरुककू दोहोना। अरू अले दो मुरुक दिन वरी हंडाले दोहोना।

मूक चेलाकू 20:23

मनदो ईंग नाःआ कतायिंग सुदीयतना जमा सहरकूनरे ईंग लगा कटसिया होयाःता अरू जेहेलरे ईंगकू सींगगोडता माःआन सुद बिरुवा सेतावकिरिंगा।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

2 कुरिंती 1:19

दो ईंग अरू सिलवानूस अरू तिमुतियूस अपे एचेरेले परसारतेरा हाँयग भगवानरीग बेटात ईसू मसी बार जीवकियानखन हाव अरू ओरो मेरेय कतायता, मनदो हाँय जमा बेला हनाव हावे कतायता।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

1 तिसलूनिका 3:6

दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।