मूक चेलाकू 18:18 - Korwa Bible

¹⁸ मुरुक दिन वरी पउलूस कुरिंतीरेय दोहोना। हनते हाँय पिरिसकी अरू अकिला सुदा सिरिया देस अगी जहाजरे तोराकू। पउलूस भगवान एचेरे किरिया कसटे जोमतेरा। हनालगा हँकू सेन अते मड़ंग पउलूस एहूदाकूराः रिती-बिधी इया किंकिरिया सहररे आँयगराः ऊबे एचे ईरगोतेड।

मूक चेलाकू 18:18 Referans Kwoze

मूक चेलाकू 21:24

नँकुःआ होड़कूम गोः अरू हँकू सुदा आम हों सुद होयाःराः रिती-बिधीकूनमे एचे। अबूराः रिती-बिधी इया हँकू अँकूराः ऊब होसीड अवेकू लगा आम हँकू बलिदान देगगेराः खरचा होंम एमे। हनाते जमाकू सुदीयता आम बदीरेकू अयूमतेरा हनारे तोनोंगाः सताय कोवानेःआ माःआन। मनदो आम अनम नियम इयाम जियाःतना माःआनकू सुदीयता।

1 कुरिंती 9:20

ईंग एहूदाकू तलारे दोहोन मेला एहूदाकू इयायिंग बड़ाँवनेना, जेमहा हँकू ईसू एचेरेकू बिसवास अवेय। ईंग मोसेसराः नियमराः आड़रे कोवायिंगा। हनते हों हना नियमकू मनाःता हँकुःआ एहूदाकू तलारे ईंग दोहोन मेला, हँकुःआ होड़कू इयायिंग बड़ाँवनेना, जेमहा हँकू ईसू एचेरेकू बिसवास अवेय।

रूमी 16:1

ने अजी बोपोहकूतिंग, अपे ईंगपे अयूम। पीबे ञावीग मी होड़ अइमी इदा। हाँय किंकिरिया सहरराः मीटोंग कलसियारीग सेवकीन हवे।

मूक चेलाकू 18:2

दो हाँय हंडा पुंतूस छतररीग अकिला ञावीग एहूदा होड़ सुदाय जुमावनेना। हाँय आँयग अइमी पिरिसकी सुदा इटली देसराः रूमी सहर अतेय वेजेडा। कइसर मरंग राजा कलाउदियूस जमा एहूदाकू रूमी सहर अड़ाःकेडखन ञीर लगाय कतावातेडकुःआ। हनालगा हँकिन रूमी सहर अड़ाःतेडखन कुरिंती सहररेकिन सेनेडा।

गलातिया 1:21

हना तयोमते ईंग सिरिया देस अरू किलिकिया देसिंग सेनेडा।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 21:3

अरू अले सेनेन सेन दूररे सइपरास डुगुले ञेलतेरा अरू हना डुगु अते दखिन अगी सिरिया देस होरले सेनेडा। सूर सहररे तोनोंग तोनोंग जिनिसकून जहाज अते उउतराव दोहोना। हनालगा अलेराः जहाज सूर सहररेकू गोः सोदोरतेरा।

मूक चेलाकू 18:26

हाँय बेगर बोरते अरजी ओड़ाःरेय कतागोड ञवना। दो हाँयराः बदीरे पिरिसकी अरू अकिला अयूमतेरा दो हँकिन हाँय अँकिन ओड़ाःरेकिन राःतिरिया अरू भगवानराः दूर अनउर नपायतेकिन कता उदुःवातेडिया।

मूक चेलाकू 15:41

हँकिन सिरिया अरू किलिकिया छतरतेकिन सेनेडा अरू हंडाकुःआ बिसवासी होड़कू ईसू मसीराः बिसवासरेकिन एचे बड़ियाड़गोतेडकू।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

मरकूस 6:46

हना तयोमरे ईसू पहाड़ अगी अरजीगे लगा तोराय।

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 18:27

अपोलोस अकाया छतर सेन लगाय ओंगलेःआ दो इपीसी सहररिकुःआ बिसवासी होड़कू हाँयकू कता बहालगोतेडीग अरू अकायारिकुःआ बिसवासी होड़कू हाँयकू नेत-नेवारगेय लगा चिठीकू ओजाः इदीतेरा। हाँय हंडाय सोदोरनेना दो भगवानराः मयातेकू बिसवासतेरा हँकुःआ अकाया छतररिकुःआ बिसवासी होड़कू लगा मुरुक संघरा होयानेना।

मूक चेलाकू 21:23

दो अले कतायतना हनाम एचेय। अबू अते भगवान लगा किरिया कसटकू जोमकेरा हँकुःआ चइरगोटोंग होड़कू इदानकुःआ।