मूक चेलाकू 17:30 - Korwa Bible

³⁰ नानाः लगा होड़कू अनसिनहारकू दोहोना हना बेला भगवान मेरेय उहियारगाड। मनदो नुँहू हाँय चउंदीसरिकुःआ जमा होड़कू कसूर अते जीवकू कुदा लगाय हुकुमगेतना।

मूक चेलाकू 17:30 Referans Kwoze

मूक चेलाकू 14:16

मड़ंगरे हाँय जमा होड़कू अँननकूराः ओंगोल इया एचे लगाय सेने ओवातेडकुःआ।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

1 पतरस 4:3

मड़ंगरे अपे मुरुक बेला वरी बेगर बिसवासी होड़कू एचेय लगाकू मंजूरवाता, हना बेलूर बुताकूनपे एचेगोड ञवना। अपे सनहा-सनहीराः बेलूर ओंगोलते अरू लिमचोर-लमचोर बुताकूनरेपे दोहोना। अपे बुनूलतो अरू दारू बोः होड़कूपे दोहोना अरू एरांगवा इयाःआ मुरती पुजा घड़ीनपे जियाःआ।

रूमी 3:25

भगवान अबूराः कसूर बदलारे ईसूय डंडियावतेरा, अरू ईसू कुरूसरे गोएगनेनखन अबू लगा अनँयग बलंगीय तूतेरा। अरू ईसू एचेरेकू बिसवासगेता, हँकुःआ होड़कू भगवान बेगर गारबार होड़कू हवे माःआने कतावाकूता। होड़कू मड़ंगरेकू एचेतेरा हना कसूरकून सहाव घड़ीन भगवान मेरेय डंडियावगडकू।

मूक चेलाकू 3:19

हनालगा भगवान अगी अपे कसूर अते जीवपे कुदा, दो हाँय अपेराः जमा कसूरकूने बराव एंडागोडता अरू भगवान अगीते अपेराः जीव अहाल-बहाल जुवाःता,

रूमी 2:4

भगवान आम सहाव घड़ीने मयावामतना दो हना आम हुनुडिंगमे ओंगलेतना जा? भगवान ईंग मयावाडखन ईंगराः कसूर अते जीव कुदागे लगा दोंगे ओवायिंगतना, माःआन आम मेरेम बुझाःता जा?

रूमी 1:28

हँकू भगवान मेरकू मनेवायता अते, अँकूराः बेनेलूर ओंगोल इयाकू एचेय लगा भगवान अनाड़ाः एंड़ागोतेडकुःआय।

मूक चेलाकू 20:21

ईंग एहूदाकू अरू बेगर एहूदाकू एचेरे हों हँकू अँकूराः कसूर अड़ाःतेडखन भगवान अगी जीवकू कुदागे लगा अरू परबू ईसू एचेरेकू बिसवासगे लगायिंग कता उदुःवातेडकुःआ।

लूका 13:5

ईंग अपे एचेरेयिंग कतायतना, अपे कसूर अते जीव मेरपे कुदाय होले अपे हों नान इयापे लाय जुवाःता।”

मूक चेलाकू 17:23

ईंग नाःआ सहररेयिंग दँड़ा मेला अपेराः मुरतीकून तिंगीड घड़ीनिंग ञेलतेरा। हनमेला ईंग मीटोंग धामिंग ञेलतेरा अरू हना चोटरे नाःआ इया ओजाःतो इदा; होड़कू मेरकू सुदीयता हाँयग भगवान लगा। अपे बेगर सुदीतेपे जागगेयतना हनाँयग भगवानिंग परसार उदुःतना।

मूक चेलाकू 11:18

नाःआ कता हँकुःआ होड़कू अयूमतेरा दो हँकू कलेकालयान अरू भगवान जागवाडखनकू कताया, “नपाय इदा। भगवान बेगर एहूदाकू कसूर अते जीव कुदाकेडखन ओरो टुटीगनेना हना जीवकू पवाः लगाय दहिनवाडकुःआ।”

मरकूस 6:12

दो हँकू, मूक चेलाकू सेनेवाडखनकू परसारगोतेड, अपे कसूर अते जीवपे कुदा, माःआन।

मरकूस 1:15

हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”

मती ओजाःतेरा भगवानराः नपाय सरवन 3:2

“भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

2 कुरिंती 7:10

तोनोंगीग होड़राः जीव भगवान अगीते हुडिंग जुवाःतान दो हना हाँयराः जीव बदलावगोडता अरू हाँय सडाव जुवाःता। हनते अरू हाँयके पसताः मेर पराःता। मनदो चउंदीसरिकुःआ होड़कू अगीते तोनोंगीग होड़राः जीव हुडिंग जुवाःतान, मनदो अनँयगराः कसूरकून मेरेय कबुलाःतान दो हाँय गुनुजुःए पवाःता।

लूका 15:10

दो ईसू कताया, “अपे ईंगपे अयूम, नान इया भगवान अगी कसूर अते जीवे कुदाता हाँयग होड़ बदीरे सेरमो देसरिकुःआ बराहीलकू बहालगुःता।

मती ओजाःतेरा भगवानराः नपाय सरवन 4:17

दो हना वरीते ईसू परसारगे लगाय बुँहड़ीतेरा अरूय कतातेड, “भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा।”

रूमी 3:23

जनामा होड़कू कसूरकेरा, अरू भगवानराः ओंगोल इयाःआ मान मरजइत जीव, मेरकू जियाव अवेनता।

मती ओजाःतेरा भगवानराः नपाय सरवन 20:7

दो हँकू कता कुदातेरा, अले तोनोंगीग बुता लगा मेरकू उदुःवागाडले। हनालगा अले इसने ननंडा इदानलेःआ। दो हाँय हँकू एचेरेय कतातेड, अपे हों सेनेकियानखन ईंगराः अंगूर बगइचारेपे बुता।