मूक चेलाकू 17:12 - Korwa Bible

¹² मुरुक एहूदाकू अरू मुरुक मरंग मरंग बेगर एहूदाकू, मरदकू अरू अइमीकू हों ईसू एचेरेकू बिसवासतेरा।

मूक चेलाकू 17:12 Referans Kwoze

इपीसी 5:14

अरू मरसलरे जमा जिनिसकून नपायतेबू ञेलता। हनालागा नाःआ इयाबू कतायता, “ने अपीगतो होड़कू, बेरेडपे! अरू गोएगतो अतेपे जियाव रिमुः, दो मसी अपेराः जीवरे मरसले एमेवापेता।”

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

1 कुरिंती 1:26

ने अजी बोपोहकूतिंग, भगवान अपेय सुनावकेड अते मड़ंग, अपे करा इयापे दोहोना हनापे उहियार। हनमेला अपे होड़कूराः ओंगोलरे कनहूनदारकू अरू जंगरदारकू मेरपे दोहोगान अरू अपे अते मुरुक होड़कू मरंग मरंग मइछुवारे मेरपे जनमावगान।

मूक चेलाकू 14:1

हनते पउलूस अरू बरनाबास अंतकियारेकिन एचेयतेरा हनन इया इकुनियुम सहररे एहूदाकूराः अरजी ओड़ाःरेकिन सेनेडा। हँकिन मुरुक नपायतेकिन परसारतेरा अरू एहूदाकू अरू बेगर एहूदाकू अते मुरुक बगरा होड़कू ईसू एचेरेकू बिसवासतेरा।

एकूब 1:21

हनालगा अपेराः जमालेःआ लेटाव-पेटाव अरू बेलूर नेवन अपे जीव अतेपे चलाः एंडागोड अरू अँननपे अपे हुडिंग ओंगोलकियानखन भगवान अपे बनसाव लगा अपे जीवरे हुड़ू इयाय रोपाकेरा हना सरवनपे मनाः।

एकूब 1:10

गिरहत होड़कू पहाड़राः बहाकून इयाकू टगाव जुवाःता। हनालगा भगवान हँकुःआ होड़कू हुडिंगकूताय हननमेला हँकू बहालरे दोहोन लगा इदा।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

एहुना 7:17

तोनोंगीग होड़ भगवानराः ओंगोल इया एचेय लगाय चहाःता दो हाँय सुदीगोडता, ईंगराः चेड भगवान अगीते इदा जा ईंग इनिंग ओंगोलतेयिंग कतायतना, माःआन।

मरकूस 15:43

अरमतिया सहररीग उसूप ञावीग मी होड़ होड़ दोहोना। हाँय एहूदाकूराः मरंग पंचाइतरीग मी होड़ होड़ दोहोना। अरू हाँय भगवानराः राइज बुँहड़ीनता हना बेला लगाय ततंगीःआ। हाँय डीड़तेडखन पिलातूस एचेरे तोराय अरू ईसूराः मुरदा दिरि लातरे मंडावगे लगाय असेतेरा।

मूक चेलाकू 2:47

हँकुःआ बिसवासी होड़कू भगवानकू जागा अरू जमा इसराएल होड़कूराः ओंगोलरे नपायकू दोहोना। भगवान सडावकेडकुःआ, हँकुःआ होड़कू बिसवासी होड़कू सुदा परबू दिनो-दिने एचे मेसातेडकुःआ।