मूक चेलाकू 16:9 - Korwa Bible

⁹ दो हना रइत पउलूस मीटोंग दरसने ञेलतेरा। हना दरसनरे मकिदुनिया देसरीग मी होड़ हाँय एचेरे चड़ाँनेनखने असेया, “मकिदुनिया देसमे वेग, अरू अलेम संघरावा।”

मूक चेलाकू 16:9 Referans Kwoze

मूक चेलाकू 19:21

नाःआ जमाकून होयानेन तयोमरे पउलूस मकिदुनिया राइज अरू अकाया छतर पारनेनखन एरुसलेम सेन लगाय ओंगोल रायनेना। हाँय कताया, “हंडा सेनेकियानखन ईंगके रूमी सहर हों सेन लगा इदा।”

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

रूमी 15:26

मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

मूक चेलाकू 20:1

दो हना रउ-झउ चबानेन दो पउलूस इपीसीरेय दोहोना ईसूरिकुःआ चेलाकूय एचे राःतेरा अरू हँकूय कता बहालतेडखन मकिदुनिया राइज अगी तोराय।

1 तिसलूनिका 4:10

सतायरे मकिदुनिया राइजरिकुःआ जमा बिसवासी होड़कूपे दुलारतना। मनदो अजी बोपोहकूताले, अले अपे एचेरेले असेयतना, अपे अरूपे दुलार होडे़ंगगोड ञवन

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

2 कुरिंती 11:9

अरू ईंग अपे एचेरेयिंग दोहोन मेला ईंग लगा हुडिंग बगरा होयानेना दो, ईंग अपे लगा तोनोंगाः बोझा मेरिंग एमेगाड। मनदो मकिदुनिया राइज अतेकू वेजेडा हँकुःआ बिसवासी होड़कू ईंगराः जरुरइतकू एमे पुरावगोतेरा। अरू इनिंग अपे लगा तोनोंग इयाःआ बोझा होयाः अतेयिंग रोंकावनेना अरूयिंग रोनोंकावगोड ञवनता।

2 कुरिंती 9:2

अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

2 कुरिंती 8:1

ने अजी बोपोहकूतिंग, मकिदुनिया राइजराः कलसियारिकुःआ होड़कू भगवान मयावाडकुःआ हना सरवन अपे सुदीगोड लगाले चहाःतना।

2 कुरिंती 7:5

अले मकिदुनिया देसरेले सेनेड मेला अले मेरले लोड़ोगान, मनदो चइरो गतरते अलेके कटसिया होयाःआ। होड़कू अले मुरुककू संतावलेःआ अरू अलेराः जीव कुहकाः घड़ीन हदराःआ।

मूक चेलाकू 20:3

हाँय हंडा पेय महिना वरीय दोहोना। हाँय सिरिया अगी जहाजरे सेन लगा सपड़ावतोय दोहोना। हनमेला एहूदाकू हाँय ञेड गोएगगेय लगा बुइदकू तुलातेरा। हनालगा हाँय मकिदुनिया देस पारनेनखन कुदा सेन लगाय रायनेना।

मूक चेलाकू 10:30

दो कुरनेलियूस कता कुदातेरा, “चाइर दिन मड़ंग निनिन मिन ढड़काः बेला ईंग ओड़ाःरेयिंग अरजीःआ। असाका मी होड़ होड़ विड़चेड़तो सोनहे तुसिंगतेडखन ईंग मड़ंगरेय चड़ाँयान

मूक चेलाकू 10:3

दो मी दिन ढड़काः बेला हाँय मीटोंग दरसने ञेलतेरा। हाँय मी होड़ सेरमो देसरीग बराहीले ञेलतेरा अरू हाँयग बराहील, हाँय एचेरे वेगवाडखने कताया, “ने कुरनेलियूस!”

मूक चेलाकू 9:38

जोपा सहर लुदा गाँवराः लेसानरे दोहोना। हनालगा चेलाकू पतरस लुदारे इदानिया माःआनकू अयूमतेरा। दो हँकू बार होड़ होड़किन हाँय एचेरेकू वारगोतेडकिन अरू हाँय एचेरेकू एचे कतातेड, “दोबू, अलिंग सुदा जोपा अगी ओहेनबू सेन।”

मूक चेलाकू 16:10

पउलूस नाःआ दरसन ञेलतेडखन तयोमरेय सुदीगोतेड, मकिदुनिया देसरिकुःआ होड़कू एचेरे भगवानराः नपाय सरवन कता उदुः लगा भगवान अलेय राःतना, माःआन। अरू ओहेन मकिदुनिया देस सेन लगाले सपड़ावनेना।

मूक चेलाकू 16:12

हंडा अले जहाज अते उतरावनेनखन पिलिपी सहर दुनूर दूरले सेनेडा। हना सहर मकिदुनिया राइजराः मीटोंग मरंग सहर दोहोना अरू रूमी देसरिकुःआ होड़कू हंडा मुरुककू दोहोना। अरू अले दो मुरुक दिन वरी हंडाले दोहोना।

मूक चेलाकू 19:22

हाँय आँयगरिकिनाः बार होड़ सेवा देंगवा होड़किन, तिमुतियूस अरू इरासतूस मकिदुनिया राइजरेय वार मड़ंगतेडकिना। हना वरीते हाँय तोनोंग बेला वरी आसिया राइजरेय दोहोयान।

मूक चेलाकू 19:29

ओहेन हना सहररिकुःआ जमा होड़कू कड़ीग लगाकू रेमनेना। हँकू पउलूसरिकिनाः दूर सेन देंगवा होड़किन, मकिदुनिया राइजरिकिनाः होड़किन दोहोना हँकिनाः गायूस अरू अरिसतरकूस साबतेडखन मिनी जूदा मरंग अखरारेकू गिरहा बोलोयान।

मूक चेलाकू 27:2

दो अले अदरमितियूम सहर अते वेजेडा मीटोंग जहाजरे देगनेनखन आसिया राइजराः सियाँ सरहद होरते समुंदररे सेन लगाले बुँहड़ीतेरा। अरू अले सुदा अरिसतरकूस होंय दोहोना। हाँय मकिदुनिया राइजराः तिसलूनिका सहररीग होड़े दोहोना।